ఆ రాష్ట్రంలో 'ఆఫ్రికన్ స్వైన్ ఫీవర్' విధ్వంసం

పంజాబ్ రాష్ట్రం అజ్నాలాలో అనేక ఆఫ్రికన్ స్వైన్ ఫీవర్ కేసులు నమోదయ్యాయి, ఆ తర్వాత నగరంలో భయాందోళనలు నెలకొన్నాయి. దీనికి సంబంధించి గురువారం ఒక అధికారి మాట్లాడుతూ.. ఆఫ్రికన్ స్వైన్ ఫీవర్ (ఏఎస్‌ఎఫ్) అనేది ఫ్లూ కాదని, పందులను ప్రత్యేకంగా ప్రభావితం చేసే వైరల్ వ్యాధి అని తెలిపారు.

ఇది ఫ్లూ కాదని అసిస్టెంట్ డిప్యూటీ డైరెక్టర్ (పశుసంవర్థక) రవీందర్ సింగ్ కాంగ్ వార్తా సంస్థ ANIకి తెలిపారు. ఇది ఆఫ్రికన్ స్వైన్ ఫీవర్, ఇది పందులకు మాత్రమే సోకుతుంది. పొలాల్లో కొన్ని పందులు చనిపోయాయి. మేము పరీక్షలు చేసాము. వాటిలో కొన్నింటి రిజ‌ల్ట్ పాజిటివ్ అని తేలిన‌ట్లు వెల్ల‌డించారు. ఇది వ్యాప్తి చెందకుండా నిరోధించడానికి.. పందులను చంపడం, పొలాలు శుభ్రం చేయడం చేయాలి. అయితే.. ఈ వ్యాధి ఇతర జంతువులకు లేదా మానవులకు వ్యాపించదు.

వరల్డ్ ఆర్గనైజేషన్ ఫర్ యానిమల్ హెల్త్ (WOAH) ప్రకారం. ఆఫ్రికన్ స్వైన్ ఫీవర్ (ASF) అనేది దేశీయ, అడవి పందుల అత్యంత వైరల్ అంటు వ్యాధి, మరణాల రేటు 100% ఉంటుంది. ఇది మానవ ఆరోగ్యానికి ముప్పు చేయ‌దు. కానీ ఇత‌ర పందులపై.. వ్యవసాయ ఆర్థిక వ్యవస్థపై వినాశకరమైన ప్రభావాన్ని చూపుతుంది.

డెంగ్యూ, మలేరియా మరియు ఇతర వ్యాధులు వ్యాప్తి చెందకుండా నిరోధించడానికి పంజాబ్ ప్రభుత్వం వరద ప్రభావిత ప్రాంతాల్లో భారీ ఫాగింగ్ ప్రచారాన్ని ప్రారంభించింది. ఇటీవలి వరదలు.. వ్యాధులు ప్రబలే ప్రమాదాన్ని పెంచిన నేపథ్యంలో ప్రజల ఆరోగ్యాన్ని పరిరక్షించడం ఈ కార్యక్రమం లక్ష్యం. కాగా, భారీ వర్షాల తర్వాత రాష్ట్రంలో వరదల పరిస్థితిని అంచనా వేసేందుకు శుక్రవారం సమీక్షా సమావేశం నిర్వహించనున్నట్లు పంజాబ్ ముఖ్యమంత్రి భగవంత్ మాన్ తెలిపారు.