బీజేపీ మా సిద్ధాంత శత్రువు..మతతత్వ శక్తులతో పొత్తు ఉండదు: విజయ్

తమిళగ వెట్రి కళగం (TVK) అధినేత విజయ్, భారతీయ జనతా పార్టీని (BJP) తన సిద్ధాంతపరమైన ప్రత్యర్థిగా స్పష్టంగా ప్రకటించారని ఆ పార్టీ స్పష్టం చేసింది. పార్టీ తొలి మహాసభలోనే విజయ్ ఈ విషయాన్ని సందేహాలకు తావులేకుండా చెప్పారని TVK ప్రచార కార్యదర్శి అరుణ్ రాజ్ శుక్రవారం వెల్లడించారు.

అటు రాష్ట్రంలోని అధికార పార్టీని, ఇటు కేంద్రంలోని అధికార పార్టీని ప్రత్యర్థులుగా ప్రకటించడానికి ఎంతో ధైర్యం కావాలని ఆయన పేర్కొన్నారు. కేంద్ర ప్రభుత్వం నుండి తీవ్రమైన ఒత్తిడి ఉన్నప్పటికీ, విజయ్ తన నిర్ణయానికి కట్టుబడి ఉన్నారని.. మతతత్వ శక్తులతో పొత్తు పెట్టుకునే ప్రసక్తే లేదని స్పష్టం చేశారు. విజయ్ సినిమాలపై అడ్డంకులు సృష్టించడం, సీబీఐ విచారణల వంటి రూపాల్లో బీజేపీ ఒత్తిడి పెంచుతున్నా, ఆయన వెనక్కి తగ్గలేదని అరుణ్ రాజ్ ఏఎన్ఐ (ANI) వార్తా సంస్థతో తెలిపారు.