పోలింగ్‌కు ముందు ఆమ్ ఆద్మీ పార్టీకి భారీ షాక్ ఇచ్చిన‌ ఏడుగురు ఎమ్మెల్యేలు

ఢిల్లీ అసెంబ్లీ ఎన్నికలకు ఫిబ్రవరి 5న పోలింగ్ జరగనుంది. ఈ స‌మ‌యంలో ఆమ్ ఆద్మీ పార్టీ (ఆప్)కు చెందిన ఏడుగురు ఎమ్మెల్యేలు పార్టీకి రాజీనామా చేశారు. మొదటగా మెహ్రౌలీ ఎమ్మెల్యే నరేష్ యాదవ్ అవినీతి ఆరోపణలు చేస్తూ పార్టీకి రాజీనామా చేశారు. ఆ తర్వాత మరో ఆరుగురు ఎమ్మెల్యేలు పార్టీని వీడుతున్నట్లు ప్రకటించారు.

పార్టీకి రాజీనామా చేసిన వారిలో జనక్‌పురి ఎమ్మెల్యే రాజేష్ రిషి, పాలెం నుండి భావన గౌర్, బిజ్వాసన్ నుండి బిఎస్ జూన్, ఆదర్శ్ నగర్ నుండి పవన్ శర్మ, కస్తూర్బా నగర్ నుండి మదన్‌లాల్, త్రిలోక్‌పురి నుండి రోహిత్ మెహ్రౌలియా ఉన్నారు. ఈ ఎన్నికల్లో టిక్కెట్ నిరాకరించడంపై ఎమ్మెల్యేలంతా ఆగ్రహం వ్యక్తం చేశారు.

భారత రాజకీయాలను అవినీతి నుంచి విముక్తం చేసేందుకు అవినీతికి వ్యతిరేకంగా అన్నా ఉద్యమం నుంచి ఆమ్ ఆద్మీ పార్టీ పుట్టిందని.. కానీ ఆమ్ ఆద్మీ పార్టీ అవినీతిని ఏమాత్రం తగ్గించలేకపోయినందుకు చాలా బాధగా ఉందని నరేష్ యాదవ్ లేఖలో పేర్కొన్నారు. ఆమ్ ఆద్మీ పార్టీ స్వయంగా అవినీతి ఊబిలో కూరుకుపోయిందన్నారు.

రాజేష్ రిషి లేఖ‌లో.. అన్నా ఉద్యమం నుండి పుట్టిన ఆమ్ ఆద్మీ పార్టీ. ఢిల్లీని అవినీతి రహితంగా మార్చడానికి అరవింద్ కేజ్రీవాల్ పార్టీని స్థాపించారు. ఇది ఇప్పుడు అవినీతితో నిండిన పార్టీగా మారింది, నేను పార్టీ ప్రాథమిక సభ్యత్వానికి, పార్టీలో అన్ని పదవులకు రాజీనామా చేస్తున్నాను.. చాలా విచారకరమైన హృదయంతో నేను రాజీనామా ఇస్తున్నాను అని పేర్కొన్నారు.

రాజీనామా చేసిన ఎమ్మెల్యేలు

పాలం-భావనా ​​గౌర్

బిజ్వాసన్- BS జూన్

ఆదర్శ్ నగర్ - పవన్ శర్మ

కస్తూర్బా నగర్- మదన్‌లాల్

జనక్‌పురి- రాజేష్ రిషి

త్రిలోక్‌పురి- రోహిత్ మెహ్రాలియా

మెహ్రౌలీ- నరేష్ యాదవ్