ప్రభుత్వ ఆస్పత్రిలో 24 గంటల్లో 24 మంది మృతి.. 12 మంది నవజాత శిశువులు

మహారాష్ట్రలోని నాందేడ్ జిల్లాలోని ప్రభుత్వ ఆసుపత్రిలో 24 గంటల్లో 12 మంది నవజాత శిశువులు సహా 24 మంది మరణించారు. మందుల కొరత కారణంగానే మరణాలు సంభవించాయని శంకర్‌రావు చవాన్ ప్రభుత్వ ఆసుపత్రి అధికారులు సోమవారం తెలిపారు. మరణించిన 12 మంది చిన్నారుల్లో ఆరుగురు బాలికలు, ఆరుగురు బాలురు ఉన్నారని ఆసుపత్రి డీన్ తెలిపారు. చనిపోయిన పన్నెండు మంది పెద్ద వారు పాము కాటుతో సహా వివిధ వ్యాధుల కారణంగా మరణించారని ఆయన తెలిపారు.

ఆసుపత్రి కేవలం "తృతీయ స్థాయి సంరక్షణ కేంద్రం" అని, అయితే 70-80 కి.మీ పరిధిలో ఉన్న ఏకైక ఆరోగ్య సంరక్షణ కేంద్రం అయినందున వివిధ ప్రాంతాల నుండి రోగులు వస్తుంటారు. ఆసుపత్రిలో చేరే రోగుల సంఖ్య కొన్నిసార్లు ఇన్‌స్టిట్యూట్ బడ్జెట్‌ను మించిపోతుందని, అందుకే మందుల కొరత ఏర్పడిందని ఆయన తెలిపారు. ఇంకా చాలా మంది ఆసుపత్రి సిబ్బంది బదిలీ చేయబడ్డారని తెలిపారు. హాఫ్‌కిన్ అనే సంస్థ నుంచి మందులను ఆసుపత్రి కొనుగోలు చేయాల్సి ఉందని, అయితే అది జరగలేదని డీన్ చెప్పారు. స్థానిక దుకాణాల్లో కొనుగోలు చేసిన తర్వాత రోగులకు మందులు అందజేస్తున్నట్లు తెలిపారు. ఆ

సుపత్రి నిర్లక్ష్యమే కారణమని, మరెవరికీ ఇలా జరగకూడదని నవజాత శిశువు తండ్రి ఆరోపించాడు. నాలుగు రోజుల క్రితం తమ బిడ్డను ఆసుపత్రిలో చేర్పించిన మరో తల్లిదండ్రులు, తమ బిడ్డను చూడటానికి సిబ్బంది అనుమతించడం లేదని చెప్పారు. మా బిడ్డ క్షేమంగా ఉన్నాడో లేదో.. మాకు ఏమీ తెలియదని, వైద్యులు సరిగా చికిత్స చేయడం లేదని తల్లిదండ్రులు అన్నారు.

బీజేపీని ప్రతిపక్షాలు విమర్శిస్తున్నాయి

ఈ వార్తలపై నేషనలిస్ట్ కాంగ్రెస్ పార్టీ (ఎన్‌సిపి) అధికార ప్రతినిధి వికాస్ లవాండే స్పందిస్తూ.. నాందేడ్‌లోని ప్రభుత్వ ఆసుపత్రిలో 24 గంటల్లో 12 నవజాత శిశువులతో సహా 24 మరణాలు మందుల సరఫరా లేకపోవడం వల్ల మాత్రమే సంభవించలేదన్నారు. పండుగలు, కార్యక్రమాలను ప్రచారం చేసుకునే ప్రభుత్వానికి సిగ్గుచేటన్నారు

అదే విధంగా, బిజెపి తన పబ్లిసిటీ కోసం వేల కోట్ల రూపాయలు ఖర్చు చేస్తోందని, అయితే పిల్లలకు మందుల కోసం పెట్టుబడి పెట్టడం లేదని కాంగ్రెస్ అధినేత రాహుల్ గాంధీ ఆరోపించారు. మరణించిన వ్యక్తుల కుటుంబాలకు తన సంతాపాన్ని కూడా వ్యక్తం చేశారు. "బీజేపీ ప్రభుత్వం తన పబ్లిసిటీ కోసం వేల కోట్ల రూపాయలు ఖర్చు పెడుతుంది, కానీ పిల్లలకు మందులకు డబ్బు లేదు? బీజేపీ దృష్టిలో పేదల ప్రాణాలకు విలువ లేదు" అని ఆయన రాశారు.

శివసేన (యుబిటి) ఎంపి ప్రియాంక చతుర్వేది కూడా బిజెపి నేతృత్వంలోని రాష్ట్ర ప్రభుత్వాన్ని నిందించారు. "దయచేసి వాటిని మరణాలు అని పిలవకండి, ఇది రాజ్యాంగ విరుద్ధమైన రాష్ట్ర ప్రభుత్వం యొక్క పూర్తి నిర్లక్ష్యం కారణంగా జరిగిన హత్య" అని అన్నారు. రాష్ట్ర ప్రభుత్వం "ఇన్‌ఫ్లుయెన్సర్ ఈవెంట్‌లు లేదా విదేశీ పర్యటనలతో బిజీగా ఉంది" అని ఆమె ఆరోపించింది. "రాష్ట్రానికి సేవ చేయడమే తమ ప్రాథమిక పనిని మర్చిపోయారు" అని ఆమె అన్నారు.

ఎన్సీపీ వర్కింగ్ ప్రెసిడెంట్ సుప్రియా సూలే ఈ ఘటనపై విచారణకు ఆదేశించాలని మహారాష్ట్ర ముఖ్యమంత్రి ఏక్నాథ్ షిండేను డిమాండ్ చేశారు. సంబంధిత మంత్రులను వారి పదవుల నుండి తొలగించాలని అన్నారు. మృతుల కుటుంబాలకు నష్టపరిహారం చెల్లించాలని ఆమె కోరారు.