ప్రపంచంలోనే ధనికుడు డేటింగ్ చేస్తోంది.. ఈ నటినే..!

టెస్లా మరియు స్పేస్‌ఎక్స్ CEO ఎలాన్ మస్క్, 2021ని ప్రపంచంలోనే అత్యంత సంపన్న వ్యక్తిగా ముగించారు. ఇప్పుడు 27 ఏళ్ల ఆస్ట్రేలియన్ నటి నటాషా బాసెట్‌తో డేటింగ్ చేస్తున్నట్లు వార్తలు వస్తున్నాయి. 50 ఏళ్ల ఎలాన్ మస్క్ ను ప్రేమించడానికి ముఖ్య కారణం అతడి తెలివితేటలేనని.. అంతేకానీ అతడి బ్యాంక్ బ్యాలెన్స్ కాదని నటాషా బాసెట్ చెప్పినట్లుగా డైలీ మెయిల్ నివేదించింది.

ప్రస్తుతానికి, మస్క్ భూమిపై అత్యంత సంపన్న వ్యక్తిగా $233 బిలియన్ల నికర విలువను కలిగి ఉన్నాడు. USలోని లాస్ ఏంజిల్స్‌లో గల్ఫ్‌స్ట్రీమ్ అని పిలువబడే మస్క్ ప్రైవేట్ జెట్ దగ్గర బస్సెట్ ఇటీవలే కనిపించింది. "బాసెట్ ఎలాన్‌ను కొంతకాలంగా కలుస్తూ ఉంది. వారు మొదట స్నేహితులుగా ఉన్నారు. అతను గ్రిమ్స్‌తో విడిపోయిన తర్వాత ఆమెను కలిశారు" అని కథనంలో తెలిపారు. మస్క్‌ గాయకురాలు గ్రిమ్స్‌తో సెప్టెంబర్ 2021లో విడిపోయారు.

లెజెండరీ సింగర్ ఎల్విస్ ప్రెస్లీ బయోపిక్ లో డిక్సీ లాక్‌గా బాసెట్ కనిపించనుంది. ఆమె, ఎలాన్ రెండు నెలలుగా మాత్రమే డేటింగ్ చేస్తున్నారు, కానీ వారు ఇప్పటికే మంచి అనుబంధాన్ని కలిగి ఉన్నారు. వారు ఒకరికొకరు చాలా ఇష్టపడ్డారు. కలిసి చాలా సమయాన్ని గడుపుతున్నారని డైలీ మెయిల్ తెలిపింది. మస్క్‌కి అతని మొదటి భార్య, రచయిత జస్టిన్ మస్క్‌తో ఐదుగురు కుమారులు ఉన్నారు. బ్రిటీష్ నటి తాలులా రిలేని మస్క్ రెండుసార్లు వివాహం చేసుకుని విడాకులు తీసుకున్నారు.