మోదీ ఓ క్రిమినల్‌ను కౌగిలించుకోవడం బాధేసింది: జెలెన్‌స్కీ

ప్రధాని నరేంద్ర మోదీ రెండు రోజుల రష్యా పర్యటనపై ఉక్రెయిన్ అధ్యక్షుడు వోలోడిమిర్ జెలెన్స్కీ తీవ్రంగా ప్రతిస్పందించారు. రష్యా నాయకుడు వ్లాదిమిర్ పుతిన్‌తో ఆయన సమావేశం "భారీ నిరాశ, శాంతి ప్రయత్నాలకు వినాశకరమైన దెబ్బ" అని అభివర్ణించారు. 2022 ఫిబ్రవరిలో ఉక్రెయిన్‌పై పూర్తి స్థాయి దండయాత్ర ప్రారంభించిన తర్వాత రష్యాకు తన మొదటి పర్యటనను సూచిస్తూ సోమవారం మాస్కో వెలుపల నోవో-ఒగారియోవోలోని అధికారిక నివాసంలో పుతిన్‌తో ప్రధాని మోదీ అనధికారిక సమావేశాన్ని నిర్వహించారు.

రష్యా పర్యటనలో భాగంగా ఆ దేశ అధ్యక్షుడు వాద్లిమిర్‌ పుతిన్‌ను భారత ప్రధాని నరేంద్ర మోదీ కౌగిలించుకోవడంపై ఉక్రెయిన్‌ ప్రెసిడెంట్‌ జెలెన్‌స్కీ అసంతృప్తి వ్యక్తం చేశారు. ప్రపంచంలోనే అతిపెద్ద ప్రజాస్వామ్య దేశానికి ప్రధాని అయిన మోదీ ఒక క్రిమినల్‌ను కౌగిలించుకోవడం చూసి బాధ కలిగిందని అన్నారు. మరోవైపు అదే రోజు రష్యా మిస్సైల్‌ దాడిలో 37 మంది ఉక్రెయిన్‌ పౌరులు ప్రాణాలు కోల్పోయారని ఆయన చెప్పుకొచ్చారు.

మరోవైపు, యుక్రెయిన్ వివాదాన్ని పరిష్కరించడానికి చర్చలు, దౌత్యమే ముందున్న మార్గమని ప్రధాని మోదీ పుతిన్‌తో చెప్పినట్లు విశ్వసనీయ సమాచారం. ప్రధాని మోడీ, పుతిన్ మధ్య ద్వైపాక్షిక చర్చలకు ముందు, ఉక్రెయిన్ వివాదం యొక్క ఏదైనా పరిష్కారం ఐక్యరాజ్యసమితి చార్టర్, ఉక్రెయిన్ యొక్క ప్రాదేశిక సమగ్రత, సార్వభౌమత్వాన్ని గౌరవించాలని రష్యాకు స్పష్టం చేయాలని అమెరికా భారతదేశానికి పిలుపునిచ్చింది.