ఆ కంపెనీ కొత్త CEO.. రోజూ 1600 కిలోమీటర్లు ప్రయాణించి ఆఫీస్‌కు వ‌స్తాడంట‌..!

వచ్చే నెలలో బాధ్యతలు చేపట్టనున్న స్టార్‌బక్స్ కొత్త CEO బ్రియాన్ నికోల్ ప్రతిరోజూ పని కంపెనీ కార్యాల‌యానికి వెళ్లాలంటే చాలా దూరం ప్రయాణించాల్సి ఉంటుంది. కాలిఫోర్నియాలో నివసిస్తున్న నికోల్ ప్రతిరోజు కార్పొరేట్ జెట్‌లో 1,600 కిలోమీటర్లు ప్రయాణించి సీటెల్‌లోని కంపెనీ ప్రధాన కార్యాలయానికి చేరుకుంటారు. ఈ విషయాన్ని కంపెనీ తమ ఆఫర్ లెటర్‌లో పేర్కొంది. ఆఫర్ లెటర్ ప్రకారం.. నికోల్ వారానికి కనీసం మూడు రోజులు సీటెల్ కార్యాలయం నుండి పని చేయాలని భావిస్తున్నారు. 2023 నుండి అమలులో ఉన్న స్టార్‌బక్స్ హైబ్రిడ్ వర్క్ పాలసీ ప్రకారం.. ఆయ‌న‌కు కంపెనీ ఈ సదుపాయం క‌ల్పించింది.

50 ఏళ్ల నికోల్‌కు సంవత్సరానికి $1.6 మిలియన్ల మూల వేతనం చెల్లించనుంది. ఇది కాకుండా.. ఆయ‌న‌ తన పనితీరును బట్టి $3.6 మిలియన్ల నుండి $7.2 మిలియన్ల వరకూ నగదు బోనస్‌ను కూడా పొందవచ్చు. ఆయ‌న‌ $23 మిలియన్ల వరకూ వార్షిక ఈక్విటీని పొందేందుకు అర్హులు.

నికోల్ ఆఫీసుకు చేరుకోవడానికి ఇంత దూరం ప్రయాణించడం ఇదే మొదటిసారి కాదు. అతను 2018లో Chipotle CEOగా ఉన్నప్పుడు ఇదే విధమైన సదుపాయంతో విజయవంతంగా విధులు నిర్వ‌ర్తించాడు. చిపోటిల్ ప్రధాన కార్యాలయం కొలరాడోలో ఉంది. ఇది నికోల్ చివరి కార్యాలయానికి 15 నిమిషాల ప్రయాణ స‌మ‌యం ప‌ట్టేంత దూరంలో ఉంది. కానీ అతడు CEOగా నియమితులైన మూడు నెలల తర్వాత మెక్సికన్ ఫాస్ట్ ఫుడ్ చైన్ తన ప్రధాన కార్యాలయాన్ని డెన్వర్ నుండి కాలిఫోర్నియాకు మార్చింది.

ఒక కంపెనీ ప్రతినిధి CNBCతో మాట్లాడుతూ.. "బ్రియన్ మా ప్రధాన కార్యాలయంలో ఉంటాడు. మా సీటెల్ సపోర్ట్ సెంటర్‌లో ఎక్కువ సమయం గడుపుతాడు.. లేదా ప్రపంచవ్యాప్తంగా ఉన్న మా స్టోర్‌లు, రోస్టర్‌లు, రోస్టింగ్ సౌకర్యాలు, కార్యాలయాలలో భాగస్వాములు, కస్టమర్‌లతో సమావేశమవుతాడు. అతడి షెడ్యూల్ హైబ్రిడ్ వ‌ర్క్ మోడ్‌లో ఉంటుంద‌ని పేర్కొన్నాడు. సగటు ఉద్యోగితో పోల్చితే అపారమైన బేరసారాల శక్తి ఉన్న ఉన్నత స్థాయి ఎగ్జిక్యూటివ్‌లకు ఇటువంటి సౌకర్యవంతమైన ఉపాధి నిబంధనలు సర్వసాధారణం. గ‌తంలోనూ ప‌లువురు ఇలాంటి సౌక‌ర్యాలు పొందారు.