షాకింగ్‌ : భూమిపై పడనున్న 20 టన్నుల ఉపగ్రహం

Russian military satellite weighing 20 tons to fall on earth. రష్యా ప్రయోగించిన సైనిక ఉపగ్రహం భూమిపై పడబోతోంది. శాస్త్రవేత్తలు దాన్ని

By Medi Samrat  Published on  31 Dec 2021 1:17 PM GMT
షాకింగ్‌ : భూమిపై పడనున్న 20 టన్నుల ఉపగ్రహం

రష్యా ప్రయోగించిన సైనిక ఉపగ్రహం భూమిపై పడబోతోంది. శాస్త్రవేత్తలు దాన్ని అదుపు చేయలేని పరిస్థితి ఏర్పడడంతో ఇప్పుడు ఎప్పుడైనా అది కాస్తా భూమిపై పడిపోవచ్చు. 20 టన్నుల బరువున్న రష్యా ఉపగ్రహం భూమిపైకి పడుతోంది. ఇంతకు ముందు చైనా శాటిలైట్ కూడా అదుపు తప్పిన సంగతి తెలిసిందే.. ఇప్పుడు రష్యా శాటిలైట్ అంతరిక్షంలో అదుపు తప్పింది. ఇప్పుడు దీని వల్ల చాలామంది మానవుల జీవితాలు ప్రమాదం అంచున ఉన్నాయి. అంగారా A-5 రాకెట్ నుండి ప్రయోగించిన 20-టన్నుల రష్యన్ సైనిక గూఢచారి ఉపగ్రహం అంతరిక్షంలో పనిచేయకపోవటంతో నియంత్రించలేనిదిగా మారింది.

ఈ ఉపగ్రహాన్ని సోమవారం భారీ క్యారియర్ ప్లెసెట్స్క్ స్పేస్‌పోర్ట్ నుండి రష్యా ప్రయోగించిందని, ఉపగ్రహాన్ని విజయవంతంగా ప్రయోగించినట్లు రష్యా పేర్కొంది. అయితే, ఇప్పుడు స్వతంత్ర నిపుణులు ఈ రష్యన్ గూఢచారి ఉపగ్రహం బూస్టర్ రాకెట్ ప్రయోగం దాని ఇంజిన్‌లో లోపం కారణంగా విఫలమైందని, ఈ ఉపగ్రహం ఇప్పుడు తిరిగి భూమిపై పడుతుందని తెలిపారు. ఈ గూఢచారి సైనిక ఉపగ్రహాన్ని రష్యా మిలటరీ హైకమాండ్ ఆదేశించిన తర్వాత ప్రయోగించారని మరియు ఇప్పుడు ఈ మిషన్ విఫలమైనట్లు చెప్పబడుతోంది. ప్రస్తుతం రష్యా మిలిటరీ హైకమాండ్ నుండి ఎటువంటి స్పందన లేదు. నియంత్రణ లేని ఈ ఉపగ్రహం రానున్న కొద్ది రోజుల్లో భూమిపై పడబోతోందని ఓ వెబ్‌సైట్ పేర్కొంది. మరిన్ని వివరాలు తెలియాల్సి ఉంది.


Next Story
Share it