కూలిన బోయింగ్ విమానం.. ప్ర‌మాద స‌మ‌యంలో 133 మంది ప్ర‌యాణికులు

133 మందితో ప్రయాణిస్తున్న చైనా ఈస్టర్న్ ప్యాసింజర్ జెట్ నైరుతి చైనాలో కుప్పకూలింది. ఈ ప్రమాదంలో ఎంతమంది మరణించారనేది ఇంకా తెలియరావాల్సి ఉంది. సంఘటనా స్థలానికి తక్షణమే చేరుకోవడానికి వీలు లేని పర్వత ప్రాంతం, దట్టమైన చెట్ల మధ్య విమానం కూలిపోయింది. ఈ దుర్ఘటనలో ఎవరూ ప్రాణాలతో మిగిలివుండకపోవచ్చని అంటున్నారు. బోయింగ్ 737 విమానం గ్వాంగ్జీ ప్రాంతంలోని వుజౌ నగరానికి సమీపంలోని గ్రామీణ గ్రామీణ ప్రాంతంలో కుప్పకూలింది.

ప్రావిన్షియల్ ఎమర్జెన్సీ మేనేజ్‌మెంట్ బ్యూరో అన్ని శాఖలకు సమాచారం అందించింది. ఘటనా స్థలానికి రెస్క్యూ బృందాలను రప్పించినట్లు నివేదిక పేర్కొంది. "133 మందితో ప్రయాణిస్తున్న చైనా ఈస్టర్న్ ఎయిర్‌లైన్స్ బోయింగ్ 737 విమానం టెంగ్ కౌంటీ, వుజౌ, గ్వాంగ్జీలో కుప్పకూలింది. మంటలకు కారణమైంది." అని అక్కడి మీడియా తెలిపింది. చైనా ఈస్టర్న్ ఎయిర్‌లైన్స్‌కు చెందిన బోయింగ్ 737 విమానం ఇది. గ్వాంగ్ఝౌ రీజియన్ పరిధిలోని వుఝౌ సిటీ సమీపంలో ఈ ఘోర దుర్ఘటన చోటు చేసుకుంది. విమానం కుప్పకూలిన చోటు నుంచి దట్టమైన పొగ వెలువడింది. మంటలు చెలరేగాయి. దీనికి సంబంధించిన వీడియో క్లిప్ ఒకటి సోషల్ మీడియాలో వైరల్‌గా మారింది.

చైనా ఈస్టర్న్ ఫ్లైట్ MU5735 సోమవారం మధ్యాహ్నం 1:00 (0500 GMT) తర్వాత కున్మింగ్ నగరం నుండి బయలుదేరిన తర్వాత గ్వాంగ్‌జౌలోని షెడ్యూల్ చేసిన గమ్యస్థానానికి చేరుకోలేదని స్థానిక మీడియా నివేదించింది.