వ్యతిరేకంగా పనిచేసే దేశాల‌కు అమెరికా స్ట్రిక్ట్ వార్నింగ్..!

నిన్న వెనిజులా రాజధాని కారకాస్‌లో 150కి పైగా అమెరికన్ ఫైటర్ జెట్‌లు ల్యాండ్ చేయబడ్డాయి. అధ్యక్షుడు నికోలస్ మదురో, అతని భార్య ఖైదీగా ఉన్నారు. వెనిజులాపై అమెరికా దాడి వార్తలు ప్ర‌స్తుతం ముఖ్యాంశాలు. ఈ సమయంలోనే అమెరికా విదేశాంగ కార్యదర్శి మార్కో రూబియో అన్ని దేశాలకు స్ట్రిక్ట్ వార్నింగ్ ఇచ్చారు.

వెనిజులాపై తీసుకున్న చర్య, అమెరికా జాతీయ ప్రయోజనాలకు వ్యతిరేకంగా ఎవరు పని చేస్తే వారికి కూడా అదే గతి పడుతుందనే సందేశాన్ని ప్రపంచంలోని అన్ని దేశాల ప్రభుత్వాలకు, నేతలకు ఇస్తున్నట్లు మార్కో రూబియో చెప్పారు.

వెనిజులాపై దాడి చేస్తున్నట్లు ట్రంప్ ప్రకటించిన తర్వాత రూబియో మీడియాతో మాట్లాడుతూ.. ‘‘వెనిజులాకు మదురో సరైన అధ్యక్షుడు కాదు, అది మనకే కాదు.. ట్రంప్ మొదటి పదవీకాలం నుండి బిడెన్, ట్రంప్ ప్ర‌స్తుత‌ పదవీకాలం వరకు, యూరోపియన్ యూనియన్‌తో సహా చాలా దేశాలు వెనిజులాకు మదురోను సరైనవని భావించడం లేదని మార్కో రూబియో చెప్పారు.

2020లో మదురోపై యునైటెడ్ స్టేట్స్‌లో అభియోగాలు మోపబడ్డాయి. అతనిపై $50 మిలియన్ల బహుమతిని విధించారు. మదురోకు చాలా అవకాశాలు వచ్చాయి.. కానీ అతను ఈ మార్గాన్ని ఎంచుకున్నాడు. అమెరికాతో ఆటలు ఆడుతూనే ఉండాల‌ని మదురో భావించాడు.. మేము ఏమీ చేయలేమని.. మదురో ఇరాన్‌ను వెనిజులాకు రావాలని ఆహ్వానించాడ‌ని మార్కో రూబియో అన్నారు. అమెరికా చమురును స్వాధీనం చేసుకున్నారు. ముఠాలు అమెరికాలో నిండిపోయాయి. అమెరికన్ వ్యాపారాన్ని దెబ్బతీయడానికి ప్రయత్నించాయని అన్నారు. ట్రంప్‌ను ప్రస్తావిస్తూ.. అమెరికా 47వ అధ్యక్షుడు ఆటగాడు కాదని.. తాను ఏదైనా చేస్తానని చెప్తే తప్పకుండా చేస్తార‌ని మార్కో రూబియో అన్నారు.