నాలుగు డోసులు వేసినా ఓమిక్రాన్ ను అడ్డుకోలేమట..!

జెరూసలేం: కరోనా మహమ్మారిని అడ్డుకోడానికి నాల్గవ డోస్‌ను వేయడం మొదలుపెట్టిన మొదటి దేశంగా అవతరించింది ఇజ్రాయెల్. అయినా కూడా ఓమిక్రాన్ వేరియంట్ ను అడ్డుకోవడం కష్టమేనని తాజాగా తేలింది. ఇజ్రాయెల్‌లో నిర్వహించిన ఒక అధ్యయనం ఓమిక్రాన్ వేరియంట్‌తో పోరాడటానికి రెండవ బూస్టర్ షాట్ సరిపోదని తేలింది. నాల్గవ కోవిడ్ షాట్ యొక్క సామర్థ్యాన్ని పరీక్షించడానికి డిసెంబర్ 2021లో ట్రయల్ ప్రారంభించిన షెబా మెడికల్ సెంటర్ నిపుణుల అభిప్రాయం ప్రకారం.. బూస్టర్ డోస్ యాంటీబాడీ స్థాయిలను పెంచినప్పటికీ, దానిని స్వీకరించిన వారిలో ఇంకా చాలా ఇన్ఫెక్షన్లు ఉన్నాయని ది టైమ్స్ ఇజ్రాయెల్ నివేదించింది. రెండవ బూస్టర్ ఓమిక్రాన్ జాతికి వ్యతిరేకంగా రక్షించడంలో పాక్షికంగా మాత్రమే ప్రభావవంతంగా ఉందని.. కొత్త వేరియంట్ టీకా రోగనిరోధక శక్తి నుండి తప్పించుకునే సామర్థ్యాన్ని కలిగి ఉందని చెబుతున్నారు.

"మునుపటి వేరియంట్లపై చాలా ప్రభావవంతంగా పని చేసిన టీకాలు.. ఓమిక్రాన్ కు వ్యతిరేకంగా తక్కువ ప్రభావవంతంగా ఉంటోందని" ప్రధాన పరిశోధకుడు ప్రొఫెసర్ గిలీ రెగెవ్-యోచాయ్ పేర్కొన్నారు. "మూడవ మోతాదు తర్వాత కంటే ప్రతిరోధకాల పెరుగుదలను మేము చూస్తున్నాము. అయినప్పటికీ, నాల్గవ డోస్ పొందిన వారిలో ఓమిక్రాన్ సోకిన చాలామందిని మేము చూస్తున్నాము." అని అన్నారు. ఈ టీకాలు ఆల్ఫా, డెల్టా (వేరియంట్‌లు)కు వ్యతిరేకంగా అద్భుతంగా పని చేస్తున్నాయని.. అయితే ఓమిక్రాన్ కోసం ఇది సరిపోదు అని అన్నారు.

డిసెంబర్ నెలలో ఇజ్రాయెల్ లో 60 ఏళ్లు, అంతకంటే ఎక్కువ వయస్సు ఉన్నవారికి, రోగనిరోధక శక్తి లేనివారికి, హెల్త్ డిపార్ట్మెంట్ చెందిన వారికి నాల్గవ టీకా షాట్‌లను అందించడం ప్రారంభించింది. కరోనా మహమ్మారి ప్రమాదం ఉన్నవారికి నాల్గవ షాట్ ఇవ్వడం ఇప్పటికీ మంచి ఆలోచన అని అంటున్నారు. ఆదివారం రాత్రి నాటికి, 500,000 మంది ఇజ్రాయిలీలు నాల్గవ డోస్‌ టీకాలు తీసుకున్నారు. చిలీ, డెన్మార్క్‌తో సహా అనేక దేశాలు నాలుగో డోస్ ఇవ్వాలనే విషయాన్ని అనుసరించాయి. జర్మనీ, ఫ్రాన్స్ వంటి కొన్ని దీనిని పరిశీలిస్తున్నాయి.