హార్ముజ్ జలసంధిలో అలా మాత్రమే వెళ్ళాలి.. లేకుంటే అంతే..

హార్ముజ్ జలసంధిలో మందుపాతరల ముప్పును తప్పించేందుకు కొత్త మ్యాప్‌లను జారీ చేసింది ఇరాన్. మందుపాతరల ముప్పును ఎదుర్కొనేందుకు మరియు నౌకలను సురక్షితంగా నడిపించేందుకు ఇరాన్ హార్ముజ్ జలసంధిలో కొత్త నావిగేషన్ మార్గాలను జారీ చేసింది. ప్రపంచ చమురు సరఫరాలో ఐదవ వంతు రవాణా అయ్యే ఈ కీలక మార్గాన్ని పూర్తిగా తెరుస్తారా లేదా అనే దానిపై ఇంకా అనిశ్చితి కొనసాగుతోంది.

సముద్ర భద్రతను నిర్ధారించడానికి, సముద్రపు మందుపాతరల ప్రమాదాలను నివారించడానికి నౌకలు సవరించిన ట్రాఫిక్ విధానాలను తప్పనిసరిగా పాటించాలని ఇరాన్ రివల్యూషనరీ గార్డ్స్ ఒక ప్రకటనలో తెలిపింది. జలసంధి గుండా వెళ్ళేటప్పుడు నౌకలు తమ దళాలతో సమన్వయం చేసుకోవాలని ఇస్లామిక్ రివల్యూషనరీ గార్డ్ కార్ప్స్ కోరింది. పాకిస్థాన్ మధ్యవర్తిత్వంతో అమెరికా, ఇరాన్‌ల మధ్య రెండు వారాల పాటు కాల్పుల విరమణ ఒప్పందం కుదిరింది. హార్ముజ్ జలసంధి గుండా నౌకల రాకపోకలను అనుమతించేందుకు ఇరాన్ అంగీకరించింది. ఈ ఒప్పందంతో ఈ ప్రాంతంలో దీర్ఘకాలిక శాంతి కోసం చర్చలకు అవకాశం కల్పించారు.