ఆ క‌స్ట‌మ‌ర్ టిప్‌కు స్టాప్ అంతా హ్యాపీ..!

Customer leaves USD 5,600 tip for employees of Ohio restaurant as Christmas gift. కొంత మంది చిన్న సాయం చేసి ఎంతో గొప్ప‌గా

By Medi Samrat  Published on  22 Dec 2020 5:01 AM GMT
ఆ క‌స్ట‌మ‌ర్ టిప్‌కు స్టాప్ అంతా హ్యాపీ..!

కొంత మంది చిన్న సాయం చేసి ఎంతో గొప్ప‌గా చెప్పుకుంటారు. కానీ పెద్ద సాయం చేసి కూడా త‌న గురించి చెప్పొద్ద‌ని చెప్పేవారు మాత్రం చాలా అరుదుగా ఉంటారు. అమెరికాలోని ఓ వ్య‌క్తి ఇందుకు నిద‌ర్శ‌నం. ఇటీవ‌ల రెస్టారెంట్‌కు వెళ్లిన అత‌ను డిన్న‌ర్ చేసిన అనంత‌రం రూ.4ల‌క్ష‌ల టిప్‌ను ఇచ్చాడు. ఆ రెస్టారెంట్‌లో ప‌నిచేసిన అంద‌రిని స‌మానంగా పంచుకోమ‌ని చెప్పాడు. త‌న వివ‌రాలు బ‌య‌ట‌కు వెళ్ల‌డించ‌వ‌ద్ద‌ని ఆ క‌స్ట‌మ‌ర్ కోరాడు.

వివ‌రాల్లోకి వెళితే.. ఈ నెల 12న ఓ కస్టమర్ ఒహియోలోని సౌక్‌ మెడిటేరియన్‌ రెస్టారెంట్‌కి వెళ్లాడు. డిన్న‌ర్ చేసిన అనంత‌రం బిల్ తెమ్మ‌ని చెప్పాడు. బిల్‌తో పాటు 5,600 డాల‌ర్ల టిప్ ఇచ్చి అందరిని స‌మానంగా పంచుకోమ‌ని చెప్పాడు. 5600 డాల‌ర్లు అంటే మ‌న క‌రెన్సీలో 4,12,459 రూపాయిలు. కాగా ఆ రెస్టారెంట్‌లో మొత్తం 28 మంది ప‌నిచేస్తున్నారు. వారు స‌మానంగా పంచుకుంటే.. ఒక్కొక్క‌రికి 200 డాల‌ర్లు వ‌చ్చాయి. క్రిస్మ‌స్ పండుగ ముందు భారీ మొత్తంలో టిప్‌గా ల‌భించ‌డంతో.. ఆ రెస్టారెంట్ సిబ్బంది ఆనందంతో ఉక్కిరిబిక్కిరి అయ్యారు. ఆ క‌స్ట‌మ‌ర్‌కు త‌మ ధ‌న్య‌వాదాలు తెలిపారు. అయితే.. ఇంత చేసినా ఆవ్య‌క్తి త‌న పేరును బ‌య‌ట‌కు చెప్పొద్దు అని కోరాడ‌ని సిబ్బంది వెల్ల‌డించారు.


Next Story
Share it