బంగ్లాదేశ్‌కు వస్తా.. 'అల్లా' కొన్ని కారణాల వల్ల నన్ను బ్రతికించాడు : షేక్ హసీనా

బంగ్లాదేశ్‌లో అలజడి కొనసాగుతోంది. మరోవైపు బంగ్లాదేశ్ మాజీ ప్రధాని షేక్ హసీనా మహ్మద్ యూనస్‌కు సవాల్ విసిరారు. మాజీ ప్రధాని షేక్ హసీనా తన మద్దతుదారులకు సందేశం ఇచ్చారు. ఆమె తిరిగి దేశానికి వస్తానని చెప్పారు. బంగ్లాదేశ్‌లోని తాత్కాలిక ప్రభుత్వ ప్రధాన సలహాదారు మహమ్మద్ యూనస్‌ను షేక్ హసీనా టార్గెట్ చేసింది. అల్లా నన్ను ఒక కారణంతో సజీవంగా ఉంచాడు. అవామీ లీగ్ సభ్యులను లక్ష్యంగా చేసుకున్న వారిని న్యాయం చేసే రోజు వస్తుందని పేర్కొన్నారు. సోషల్ మీడియాలో తన పార్టీ నాయకుల కుటుంబ సభ్యులతో సంభాషిస్తున్నప్పుడు ఆమె ఈ వ్యాఖ్యలు చేశారు.

బంగ్లాదేశ్‌లోని తాత్కాలిక ప్రభుత్వానికి ప్రధాన సలహాదారుగా ఉన్న ముహమ్మద్ యూనస్‌ను షేక్ హసీనా లక్ష్యంగా చేసుకుంది. ఆయ‌న‌ ప్రజలను ఎన్నడూ ప్రేమించని వ్యక్తి అని పేర్కొంది. షేక్ హసీనా మాట్లాడుతూ.. వారు అధిక వడ్డీలకు చిన్న మొత్తాలను అప్పుగా తీసుకుని విదేశాల్లో విలాసవంతంగా జీవించేందుకు ఆ డబ్బును ఉపయోగించార‌ని ఆరోపించారు.

అప్పుడు ఆయ‌న‌ ద్వంద్వత్వాన్ని అర్థం చేసుకోలేకపోయాము, కాబట్టి మేము ఆయ‌న‌కు చాలా సహాయం చేసాము. కానీ ప్రజలకు ఎలాంటి ప్రయోజనం కలగలేదు. ఆయ‌న తనను తాను బాగు చేసుకున్నాడు. అప్పుడు తలెత్తిన అధికార దాహం ఇప్పుడు బంగ్లాదేశ్‌ను దహనం చేస్తోంది. 'అభివృద్ధి నమూనాగా భావించిన బంగ్లాదేశ్ ఇప్పుడు ఉగ్రవాద దేశంగా మారింది. మన నాయకులు, కార్యకర్తలు హత్యలకు గురవుతున్న తీరు మాటల్లో చెప్పలేనిదని ఆవేదన వ్యక్తం చేశారు. అవామీ లీగ్ ప్రజలు, పోలీసులు, లాయర్లు, జర్నలిస్టులు, కళాకారులు అందరినీ టార్గెట్ చేస్తున్నారు.

తన తండ్రి, బంగ్లాదేశ్ మొదటి అధ్యక్షుడు షేక్ ముజిబుర్ రెహ్మాన్‌తో సహా ఆయ‌న‌ మొత్తం కుటుంబం భయంకరమైన హత్యలను గుర్తుచేసుకుంటూ.. 'నేను నా తండ్రి, తల్లి, సోదరుడు, అందరినీ ఒకే రోజులో కోల్పోయాను. ఆపై మమ్మల్ని దేశానికి తిరిగి రానివ్వలేదు. నా ప్రజలను కోల్పోయిన బాధ నాకు తెలుసు. అల్లా నన్ను రక్షిస్తాడు, బహుశా ఆయ‌న‌ నా ద్వారా ఏదైనా మంచి చేయాలనుకుంటున్నాడు. ఈ నేరాలకు పాల్పడిన వారిని శిక్షించాలి. ఇది నా వాగ్దానం అని వ్యాఖ్యానించారు.