టోంగాలో భూకంపం.. 6.2 తీవ్రతతో ప్రకంపనలు

6.2-magnitude earthquake strikes off Tonga. టోంగాలోని పంగైకి పశ్చిమ-వాయువ్యంగా 219కిమీ (136.1మైళ్లు) దూరంలో గురువారం భూకంపం సంభవించిం

By అంజి  Published on  27 Jan 2022 8:42 AM GMT
టోంగాలో భూకంపం.. 6.2 తీవ్రతతో ప్రకంపనలు

టోంగాలోని పంగైకి పశ్చిమ-వాయువ్యంగా 219కిమీ (136.1మైళ్లు) దూరంలో గురువారం భూకంపం సంభవించిందని యునైటెడ్ స్టేట్స్ జియోలాజికల్ సర్వే (యుఎస్‌జిఎస్) తెలిపింది. భూకంపం తీవ్రత రిక్టర్‌ స్కేల్‌పై 6.2గా నమోదైంది. లిఫుకా అనే మారుమూల ద్వీపంలోని పట్టణం ప్రాంతంలో భూకంపం 14.5 కిలోమీటర్ల లోతులో సంభవించింది. 19.1419 డిగ్రీల దక్షిణ అక్షాంశం మరియు 176.3218 డిగ్రీల పశ్చిమ రేఖాంశంలో ఉన్నట్లు ప్రాథమికంగా నిర్ధారించబడింది. ఇప్పటివరకు ఎటువంటి ప్రాణనష్టం జరిగినట్లు అంచనా వేయబడలేదు.

ఈ నెల ప్రారంభంలో టోంగా యొక్క హుంగా టోంగా-హుంగా హా'పై విస్ఫోటనం చెందినప్పటి నుండి ఈ ప్రాంతం రోజువారీ భూకంపాలను చూస్తోంది. జనవరి 15న హుంగా టోంగా–హుంగా హ'పై అగ్నిపర్వతం బద్దలయ్యింది. ఆ తర్వాత సునామీ హెచ్చరికలు జారీ చేయబడ్డాయి. అప్పటి నుండి సంభవించిన భూకంపాల్లో ఇది రెండో అతిపెద్ద భూకంపం. నాసా ప్రకారం, నీటి అడుగున శక్తివంతమైన అగ్నిపర్వత విస్ఫోటనం రెండవ ప్రపంచ యుద్ధంలో హిరోషిమాపై యుఎస్ వేసిన అణు బాంబు కంటే వెయ్యి రెట్లు ఎక్కువ శక్తివంతమైనది.

Next Story
Share it