ఘోర బస్సు ప్రమాదం...19 మంది మృతి, 32 మందికి తీవ్ర గాయాలు

19 dead, 32 injured as bus carrying pilgrims in Mexico crashes. సెంట్రల్ మెక్సికోలోని ఒక మతపరమైన ప్రదేశానికి యాత్రికులను తీసుకువెళుతున్న బస్సు ప్రమాదానికి గురైంది.

By అంజి  Published on  27 Nov 2021 10:20 AM GMT
ఘోర బస్సు ప్రమాదం...19 మంది మృతి, 32 మందికి తీవ్ర గాయాలు

సెంట్రల్ మెక్సికోలోని ఒక మతపరమైన ప్రదేశానికి యాత్రికులను తీసుకువెళుతున్న బస్సు శుక్రవారం ప్రమాదానికి గురైంది. ఈ ఘటనలో 19 మంది మరణించగా.. 32 మంది గాయపడ్డారు. బస్సు బ్రేకులు కోల్పోయి భవనంలోకి దూసుకెళ్లినట్లు రాష్ట్ర అధికారులు తెలిపారు. ఈ ప్రమాదంలో ఆరుగురు తీవ్రంగా గాయపడ్డారు, వారిని రాష్ట్ర రాజధాని టోలుకాలోని ఆసుపత్రికి తరలించారు. మెక్సికో సిటీకి నైరుతి దిశలో ఉన్న జోక్విసింగో టౌన్‌షిప్‌లో ఈ ప్రమాదం జరిగిందని రాష్ట్ర అంతర్గత అంతర్గత కార్యదర్శి రికార్డో డి లా క్రూజ్ తెలిపారు.

బస్సు పశ్చిమ రాష్ట్రమైన మిచోకాన్ నుండి శతాబ్దాలుగా రోమన్ క్యాథలిక్ యాత్రికులు సందర్శించే చల్మా పట్టణానికి వెళుతోంది. గాయపడిన ప్రయాణికుల పరిస్థితిపై తక్షణ సమాచారం లేదు. చాలా మంది మెక్సికన్లు డిసెంబరు 12, వర్జిన్ ఆఫ్ గ్వాడలుపే రోజు సమీపిస్తున్నప్పుడు మతపరమైన తీర్థయాత్రలకు వెళతారు. వారు తరచుగా ఇరుకైన రోడ్లపై నడవడం, కాలం చెల్లిన బస్సులలో ప్రయాణించడం వల్ల ప్రమాదాలు జరుగుతున్నాయని తెలిసింది. మెక్సికో రాష్ట్రం మెక్సికో నగరానికి మూడు వైపులా సరిహద్దులుగా ఉంది. రాజధానిలోని మారుమూల గ్రామాలు, రద్దీగా ఉండే శివారు ప్రాంతాలను కలిగి ఉంది. 1521 సంవత్సరంలో ఆక్రమణకు ముందు హిస్పానిక్ పూర్వ కాలంలో చల్మా ఒక పవిత్ర ప్రదేశం. స్పానిష్ ఫ్రీడమ్‌ వచ్చిన తరువాత అజ్టెక్ దేవుడికి అంకితం చేయబడిన ఒక గుహలో ఒక శిలువ అద్భుతంగా కనిపించింది. దీంతో ఈ చల్మాను క్రైస్తవ తీర్థయాత్రగా మారింది.

Next Story
Share it