Hyderabad: డీసీపీపై దాడికి యత్నం.. కాల్పులు
హైదరాబాద్‌లోని చాదర్‌ఘాట్‌లో కాల్పుల కలకలం రేగింది. విక్టోరియా గ్రౌండ్‌లో సౌత్‌ ఈస్ట్‌ డీసీపీ చైతన్యపై దొంగలు కత్తితో దాడి చేసేందుకు యత్నించారు.
By - అంజి
Hyderabad: డీసీపీపై దాడికి యత్నం.. కాల్పులు
హైదరాబాద్‌లోని చాదర్‌ఘాట్‌లో కాల్పుల కలకలం రేగింది. విక్టోరియా గ్రౌండ్‌లో సౌత్‌ ఈస్ట్‌ డీసీపీ చైతన్యపై దొంగలు కత్తితో దాడి చేసేందుకు యత్నించారు. దీంతో డీసీపీ వారిపై మూడు రౌండ్ల కాల్పులు జరిపారు. వారిలో ఒకరికి గాయాలు కాగా నాంపల్లి ఆస్పత్రికి తరలించారు. ఓ ఇద్ద‌రు సెల్‌ఫోన్ దొంగలు డీసీపీ చైత‌న్య కుమార్‌పై కత్తితో దాడికి యత్నించారు. ఈ క్రమంలోనే దాడిని అడ్డుకునేందుకు డీసీపీ గ‌న్‌మెన్ యత్నించారు. దీంతో తోపులాట జ‌రిగి గ‌న్‌మెన్ కింద ప‌డిపోయాడు.
దొంగలు మ‌ళ్లీ దాడి చేసేందుకు య‌త్నించ‌గా.. గ‌న్‌మెన్ వ‌ద్ద ఉన్న వెప‌న్‌ను తీసుకుని డీసీపీ చైత‌న్య దొంగ‌ల‌పై 3 రౌండ్ల కాల్పులు జ‌రిపాడు. ఇద్ద‌రిలో ఒక దొంగ‌కు తీవ్ర గాయాల‌య్యాయి. దీంతో అత‌న్ని నాంపల్లి ఆస్పత్రికి తరలించారు. ఈ ఘ‌ట‌న నేప‌థ్యంలో నగరంలోని పోలీసు యంత్రాంగం అప్ర‌మ‌త్త‌మైంది. ఇదిలా ఉంటే.. ఇటీవలే నిజామాబాద్ జిల్లాలో ప్ర‌మోద్ అనే పోలీసు కానిస్టేబుల్‌ను హ‌త్య చేసిన ఘ‌ట‌న రాష్ట్ర వ్యాప్తంగా సంచ‌ల‌న సృష్టించిన విష‌యం తెలిసిందే.
