హైదరాబాద్‌కు రాష్ట్రపతి ద్రౌపది ముర్ము.. ఎన్ని రోజులు ఉంటారంటే..!

రాష్ట్రపతి ద్రౌపది ముర్ము తన శీతాకాల విడిదిలో భాగంగా బుధవారం నాడు సికింద్రాబాద్‌లోని రాష్ట్రపతి నిలయానికి చేరుకున్నారు. తెలంగాణ గవర్నర్ జిష్ణు దేవ్ వర్మ, ఉప ముఖ్యమంత్రి మల్లు భట్టి విక్రమార్క, తెలంగాణ మంత్రులు, సీనియర్ అధికారులు హకీంపేటలోని వైమానిక దళ స్టేషన్‌లో రాష్ట్రపతికి స్వాగతం పలికారు. రాష్ట్రపతి డిసెంబర్ 22 వరకు రాష్ట్రపతి నిలయంలోనే బస చేయనున్నారు.

డిసెంబర్ 19న, తెలంగాణ పబ్లిక్ సర్వీస్ కమిషన్ నిర్వహించే పబ్లిక్ సర్వీస్ కమిషన్ల చైర్‌పర్సన్‌ల జాతీయ సదస్సును ముర్ము ప్రారంభిస్తారు. డిసెంబర్ 20న, బ్రహ్మకుమారీస్ శాంతి సరోవర్ 21వ వార్షికోత్సవాన్ని పురస్కరించుకుని హైదరాబాద్‌లో నిర్వహించే ‘కాలాతీత భారత జ్ఞానం: శాంతి- పురోగతి మార్గాలు’ అనే అంశంపై జరిగే సమావేశంలో రాష్ట్రపతి ప్రసంగిస్తారని రాష్ట్రపతి భవన్ విడుదల చేసిన ఒక ప్రకటనలో తెలిపింది.