Hyderabad : బేకరీ అంటేనే భయపడేలా ఉంది..!

ప్రజల ఆరోగ్యానికి హాని కలిగించేలా బేకరీ ఉత్పత్తులను తయారు చేసి విక్రయిస్తున్న ఒక బేకరీ యజమానిని హైదరాబాద్ పోలీసులు అరెస్టు చేశారు. ఈ దాడుల్లో సుమారు రూ. 3 లక్షల విలువైన అనారోగ్యకరమైన ఆహార పదార్థాలను అధికారులు స్వాధీనం చేసుకున్నారు. ఎలాంటి అనుమతులు, కనీస పరిశుభ్రత లేకుండా తయారు చేసిన ఈ ఉత్పత్తులను నగరంలోని పలు కిరాణా దుకాణాలు, కేఫ్‌లు, చిన్నచిన్న హోటళ్లకు అక్రమంగా సరఫరా చేస్తున్నట్లు దర్యాప్తులో తేలింది.

నాణ్యతా ప్రమాణాలు పాటించకుండా తయారు చేసిన ఈ కల్తీ/సురక్షితం కాని ఉత్పత్తుల వల్ల ప్రజల ఆరోగ్యానికి తీవ్ర ముప్పు పొంచి ఉందని అధికారులు తెలిపారు. బేకరీపై జరిపిన తనిఖీల్లో సుమారు 3 లక్షల రూపాయల విలువైన బేకరీ వస్తువులను, వాటి తయారీకి వాడే ముడిసరుకును అధికారులు సీజ్ చేశారు.