ఆటోవాలా 'DISTAB' కొటేషన్.. హైదరాబాద్ పోలీసులు కూడా వాడేశారు
Hyderabad Police Use Auto Driver Quotation. ఆటోలపై కొన్ని కొటేషన్లు కొన్ని సార్లు జీవిత సత్యాన్ని భోదిస్తూ ఉంటాయి. మరికొన్ని
By Medi Samrat
ఆటోలపై కొన్ని కొటేషన్లు కొన్ని సార్లు జీవిత సత్యాన్ని భోదిస్తూ ఉంటాయి. మరికొన్ని ఎంతో ఫన్నీగా కూడా ఉంటాయి. అలాంటి కొటేషన్స్ సోషల్ మీడియాలో బాగా పాపులర్ అవుతూ ఉంటాయి. వాటిని వాడుకుని ఎన్నో మీమ్స్ కూడా వస్తూ ఉంటాయి. తాజాగా ఓ ఆటో మీద ఉన్న కొటేషన్ ను హైదరాబాద్ సిటీ పోలీసులు కూడా వాడేశారు. 'DOT DISTAB I AM MARRIEAD I AM ALL READY VERY DISTAB' అనే కొటేషన్ ఉన్న ఆటో బ్యాక్ సైడ్ ను పోస్ట్ చేసిన హైదరాబాద్ సిటీ పోలీసులు దానితో పాటూ 'Do Not HonkSpeaker with cancellation strokeUnnecessarily, It will Distab* #Hyderabad #honking' అనే కోట్ ను పెట్టారు. అనవసరంగా హారన్ కొట్టడం వలన ఇబ్బందులు తప్పవని హైదరాబాద్ పోలీసులు ఇలా హెచ్చరించారు.
కొద్దిరోజుల కిందట కూడా 'అయ్యయ్యో వద్దమ్మా' అనే మీమ్ ను కూడా హైదరాబాద్ పోలీసుల ట్విట్టర్ అకౌంట్ వాడేసింది. సైబర్‌ మోసాలకు పాల్పడే వారి విషయంలో అప్రమత్తంగా ఉండాలని సుఖీభవ స్టైల్‌లో హెచ్చరిస్తూ ఓ మీమ్‌ను ట్వీట్‌ చేశారు. ఎలాంటి అనుమానాస్పద లింక్‌లను క్లిక్‌ చేయొద్దని తెలంగాణ పోలీస్- సైబర్‌ క్రైమ్‌ అవగాహన కల్పిస్తూ సాధారణంగా ట్వీట్‌ చేసినప్పటికీ ఇదే విషయాన్ని హైదరాబాద్ సిటీ పోలీస్ టీమ్‌ 'సుఖీభవ'తో వైరల్ అయ్యేలా చేసింది. గత కొద్ది రోజులుగా సోషల్ మీడియాలో ''సుఖీభవ.. సుఖీభవ.'' మీమ్ వైరల్ అవుతోంది. ఓ 'టీ' యాడ్‌లో బామ్మ ఒకరికి టీ ఇచ్చినందుకు గానూ ఆశీర్వదిస్తూ చెప్పే మాటే 'సుఖీభవ'. దాన్నే ఆ తర్వాత కొన్ని సంఘటనల కారణంగా వైరల్ చేసారు.
