ఉప్పల్ స్టేడియంలో ఐపీఎల్ మ్యాచ్‌.. మెట్రో రైల్ టైమింగ్ పొడిగింపు

ఈరోజు సాయంత్రం ఉప్పల్ స్టేడియంలో జరగనున్న ఇండియన్ ప్రీమియర్ లీగ్ (ఐపీఎల్) మ్యాచ్ కోసం హైదరాబాద్ మెట్రో రైల్ సేవ‌ల సమయాన్ని పొడిగించింది. సాధారణ రోజుల‌లో ముగింపు స‌మ‌యం కంటే ఈ రోజు ఎక్కువ సేపు మెట్రో రైలు సేవ‌లు అందుబాటులో ఉంటాయి. చివరి మెట్రో రైలు 12:15 గంటలకు బయలుదేరి తెల్లవారుజామున 1:10 గంటలకు గమ్యస్థానాలకు చేరుకుంటంద‌ని అధికారులు తెలిపారు. ఉప్పల్ స్టేడియం, ఎంజీఆర్ ఐ స్టేషన్స్ లో ఎంట్రీ, మిగతా స్టేషన్స్ లో ఎగ్జిట్ మాత్రమే ఉండనుంది. ఐపీఎల్ మ్యాచ్ కు వచ్చే అభిమానూలు మెట్రో సేవలు ఉపయోగించుకోవాలని అధికారులు సూచించారు. ఇదిలావుంటే.. నిన్న న‌గ‌రంలో భారీ వ‌ర్షం కుర‌వ‌గా.. హైద్రాబాద్ లో ఈ రోజు కూడా వర్షం పడే అవకాశం ఉంది. దీంతో మ్యాచ్ జ‌రుగుందా లేదా అనే విష‌య‌మై సస్పెన్స్ కొనసాగుతోంది. ఈ రోజు సాయంత్రం 7:30 గంటలకు SRH, LSG జ‌ట్ల‌ మధ్య IPL మ్యాచ్ ప్రారంభం కానుంది. మ్యాచ్‌కు సంబంధించిన అన్ని ఏర్పాట్లు ఇప్ప‌టికే పూర్తయ్యాయి.