Hyderabad Accident : మ‌ద్యం మ‌త్తులో కారు న‌డ‌ప‌ట‌మే ప్ర‌మాదానికి కార‌ణం.. వివ‌రాలివిగో..
High Speed Car Crashed Into Morning Walkers At Narsing. హైదరాబాద్ హైదర్‌షా కోటే ప్రధాన రహదారిపై మంగ‌ళ‌వారం ఉదయం ఘోర రోడ్డు ప్ర‌మాదం జ‌రిగిన సంగ‌తి తెలిసిందే
By Medi Samrat Published on 4 July 2023 12:49 PM GMT
హైదరాబాద్ హైదర్‌షా కోటే ప్రధాన రహదారిపై మంగ‌ళ‌వారం ఉదయం ఘోర రోడ్డు ప్ర‌మాదం జ‌రిగిన సంగ‌తి తెలిసిందే. ఈ ఘటనలో కారు అదుపు తప్పి రోడ్డు పక్కన మార్నింగ్‌ వాక్‌ చేస్తున్న వారిపైకి దూసుకెళ్లింది. బండ్లగూడ జాగీరు సన్‌సిటీ దగ్గర ఈ ఘటన జరిగింది. ఈ ఘటనలో ఇద్ద‌రు(త‌ల్లీ, కూతురు) మృతి చెందారు. ప్ర‌మాదంలో మ‌ర‌ణించిన వారిని ల‌క్ష్మీ న‌ర‌షింహా కాల‌నికి చెందిన అనురాధ(48), మ‌మ‌త(26) గా గుర్తించారు. ఈ ప్ర‌మాదంలో క‌విత అలియాస్ మాళ‌విక అనే యువ‌తి ప్రాణాల‌తో భ‌య‌ట‌ప‌డింది.
కారు డ్రైవింగ్ చేస్తున్న వ్య‌క్తి మ‌ద్యం మ‌త్తులో ఉండ‌ట‌మే ప్ర‌మాదానికి కార‌ణంగా చెబుతున్నారు. కారు న‌డిపిన వ్య‌క్తిని శాంతి న‌గ‌ర్‌కు చెందిన ఎండీ బడి ఉద్దాయ్ ఖాద్రీగా గుర్తించారు. ప్ర‌స్తుతం అత‌డు అవినాష్ కాలేజీలో బీబీఏ మొద‌టి సంవ‌త్స‌రం చ‌దువుతున్నాడు. ఖాద్రీ పుట్టినరోజు కావడంతో ఉదయం 5:30 గంటల ప్రాంతంలో మొయినాబాద్ వైపు వెళ్తున్నారు. ప్ర‌మాదం జ‌రిగిన స‌మ‌యంలో ఖాద్రీ మ‌ద్యం మ‌త్తులో ఉన్నాడు. ప్ర‌స్తుతం ఖాద్రీ పోలీసుల అదుపులో ఉన్నాడు. కారు అతివేగంగా ఢీకొట్ట‌డంతో బాధితులు సమీపంలోని ముళ్ల పొదల్లోకి ఎగిరిప‌డ్డారు. దీంతో ఓ తల్లి, బిడ్డ ప్రాణాలు కోల్పోయారు. ప్ర‌మాదానికి సంబంధించిన వీడియోలు సోష‌ల్ మీడియాలో హ‌ల్‌చ‌ల్ చేస్తున్నాయి.
