హైదరాబాద్‌లో రూ.10లకే వైద్యం.. పేద ప్రజల కోసమే

Healing for Rs.10 at NaredMet in Hyderabad. డాక్టర్ రోజ్‌లైన్‌, నిర్వాహకులు హైదరాబాద్‌లోని ఓ క్లినిక్‌లో రూ.10కే రోగులకు చికిత్స అందిస్తున్నారు.

By అంజి  Published on  18 Jan 2022 6:30 AM GMT
హైదరాబాద్‌లో రూ.10లకే వైద్యం.. పేద ప్రజల కోసమే

సమాజంలో ఆర్థికంగా వెనుకబడిన తరగతుల వారికి అందుబాటు ధరలో వైద్యం అందించేందుకు డాక్టర్ రోజ్‌లైన్‌, నిర్వాహకులు హైదరాబాద్‌లోని ఓ క్లినిక్‌లో రూ.10కే రోగులకు చికిత్స అందిస్తున్నారు. కోవిడ్ -19 థర్డ్‌ వేవ్‌ మధ్య చాలా మందికి ఈ చర్య ఉపశమనం కలిగించింది. "నేను ఇక్కడ రోజుకు 15 మంది రోగులకు చికిత్స చేస్తాను. 50 శాతం తగ్గింపుతో ల్యాబ్ సౌకర్యాలను కూడా అందిస్తాను." అని డాక్టర్ రోజ్‌లైన్‌ చెప్పారు. "నేను పుట్టి పెరిగిన ప్రాంతంలోని పేదలకు సహాయం చేయడానికి రోగులకు 10 రూపాయలతో చికిత్స చేయడం సంతోషంగా ఉంది. అని అన్నారు. ఈ 10 రూపాయల క్లినిక్ తెలంగాణలోని మేడ్చల్ మల్కాజిగిరి జిల్లా నేరేడ్‌మెట్‌లోని నేరేడ్‌మెట్‌లోని అంబేద్కర్ భవన్‌లో ఉంది.

తనకు, తన స్నేహితుడు నరేష్‌తో కలిసి ఓ సంస్థ ఉందని, 10 రూపాయల క్లినిక్ పేరుతో దీన్ని ప్రారంభించామని నిర్వాహకుడు గోపాల్ తెలిపారు. ''చాలా మంది రోగులు మందులకే కాకుండా వైద్యుల కోసం రూ.200 నుంచి రూ.300 వరకు ఖర్చు చేస్తున్నారు. కాబట్టి ఈ ప్రాంతంలోని పేద ప్రజలకు సహాయం చేయడానికి మేము ఈ క్లినిక్‌ని ప్రారంభించాలని నిర్ణయించుకున్నాము. డాక్టర్ రోజ్‌లైన్‌ని సంప్రదించాము, ఆమె అంగీకరించింది."అని గోపాల్‌ చెప్పారు. నిర్వాహకులు ప్రస్తుతం గైనకాలజీ, డెర్మటాలజీ, ఈఎన్‌టీ వంటి సేవలను అందించడంతోపాటు క్లినిక్‌ విస్తరణపై ప్రణాళికలు వేస్తున్నారు.

ఆసుపత్రి సమీపంలో నివసించే వినాయక్ నగర్‌కు చెందిన జబీన్ జ్వరం, శరీర నొప్పితో బాధపడుతూ ఇక్కడకు వచ్చింది. "నేను డాక్టర్‌ని కలిశాను, ఆమె ప్రిస్క్రిప్షన్ ఇచ్చింది. ఆ మందులు తీసుకోవడం చాలా బాగుంది. ఈ క్లినిక్ పేదలకు నిజంగా ఉపయోగపడుతుంది. మనం బయటికి వెళితే వాటి ధర సుమారు రూ. 100 లేదా రూ. 200, కానీ రూ. 10కి సర్వీస్ ఇవ్వడం వల్ల పేదలకు నిజంగా సహాయం చేస్తుందని అన్నారు. ఈ క్లినిక్‌ని సందర్శించిన మరో పేషెంట్ మహ్మద్ ఫస్లుల్లా మాట్లాడుతూ.. రూ. 10 సంప్రదింపుల గురించి తెలుసుకున్నానని, మంచి వైద్యులు అందుబాటులో ఉన్నారని, అందుకే తాను హెల్త్‌ చెకప్‌కు వచ్చానని, వైద్యుడిని సంప్రదించగా తనకు బాగా అనిపించిందని చెప్పారు.

"కడుపు నొప్పితో బాధపడుతున్న నా భార్యకు ఇక్కడ వైద్యం చేయించాను. రాసిచ్చిన మందులు అద్భుతమైనవి, ప్రయోజనకరమైనవి. మనం ఎక్కడికైనా వెళితే కనీసం రూ. 200 వసూలు చేస్తారు. చిన్న క్లినిక్‌లో కూడా రూ. 100 వసూలు చేస్తారు కానీ ఇక్కడ సంప్రదింపు రుసుము కేవలం రూ. 10. ఈ క్లినిక్‌ని చూడటం చాలా అసాధారణంగా ఉంది. కానీ ఇక్కడకు వచ్చి దాన్ని అనుభవించిన తర్వాత మేము నిజంగా మంచి అనుభూతి చెందామన్నారు.

Next Story
Share it