పోలీసులకు కృతజ్ఞతలు తెలిపిన రాజా సింగ్.. ఎందుకంటే?

గోషామహల్ ఎమ్మెల్యే రాజాసింగ్‌ హైదరాబాద్ పోలీసులకు కృతజ్ఞతలు తెలిపారు. రాజా సింగ్ ను చంపేస్తామంటూ బెదిరింపు కాల్స్ వస్తున్నాయని ఇటీవల పోలీసు ఉన్నతాధికారులకు, సైబర్ క్రైం పోలీసులకు ఫిర్యాదులు చేశారు. హైదరాబాద్ పోలీసులు ప్రత్యేక బృందాన్ని ఏర్పాటు చేసి మరీ నిందితున్ని గుర్తించారు. దీంతో రాజాసింగ్ హైదరాబాద్ పోలీసులు కృతజ్ఞతలు తెలిపారు. గత కొంతకాలం నుంచి రాజాసింగ్‌కు విదేశీ నెంబర్ల నుంచి బెదిరింపు కాల్స్ వస్తూ ఉన్నాయి. రాజా సింగ్ కు ఫోన్ చేసింది కువైట్‌లో మకాం వేసిన మహమ్మద్ ఖాసిం అనే వ్యక్తిగా గుర్తించారు. రాజాసింగ్‌కు ఖాసిం ఫోన్‌ కాల్స్ చేస్తున్నట్లుగా సైబర్ క్రైమ్ పోలీసులు నిర్ధారించారు. హైదరాబాద్‌కు చెందిన మహమ్మద్ ఖాసిం 14 ఏళ్లుగా కువైట్‌లో ఉంటున్నాడు. చాంద్రాయణగుట్ట నుంచి దుబాయ్‌కి వెళ్లి అక్కడి నుంచి కువైట్‌లో ఖాసిం సెటిల్ అయ్యాడు.