FactCheck : విమానంలో కిటికీలను తన్నుతున్న ఘటన భారత్ లో చోటు చేసుకుందా..?
Video of man creating ruckus on plane, punching window is not from India. విమానంలో ఓ వ్యక్తి వీరంగం సృష్టించిన వీడియో సోషల్ మీడియాలో హల్ చల్ చేస్తోంది.
By న్యూస్‌మీటర్ తెలుగు Published on 5 Dec 2022 3:45 PM GMT
విమానంలో ఓ వ్యక్తి వీరంగం సృష్టించిన వీడియో సోషల్ మీడియాలో హల్ చల్ చేస్తోంది. ఆ వ్యక్తి విమానంలో నమాజ్ చేస్తూ సహ ప్రయాణీకులను ఇబ్బంది పెడుతున్నాడనే వాదన వినిపిస్తోంది.-
ఒక ట్విటర్ యూజర్ వీడియోను షేర్ చేసి ఇలా వ్రాశాడు "మొదట ఒక వ్యక్తి ఎగిరే విమానంలో నమాజ్ చేయాలనుకున్నాడు. ప్రయాణీకులు & ఫ్లైట్ కెప్టెన్ జోక్యం చేసుకున్నప్పుడు, అతను తన చొక్కా తీసి విమానం కిటికీ గ్లాస్ ను పగలగొట్టాలనుకున్నాడు. చాలా మంది ప్రయాణికులు భయపడిపోయారు." "First a Namazi wanted to perform Namaaz right inside the Aisle of a flying Plane. When passengers & captain of the flight intervened, he took off his shirt & wanted to break the glass. It would have been disastrous for many passengers."
వైరల్ వీడియోలోని వ్యక్తి షర్ట్ ను విప్పేసి.. విమానం కిటికీని తన్నేశాడు కూడా..!
మరో ట్విటర్ యూజర్ ఈ వీడియోను భారత్‌కు చెందినదని పేర్కొంటూ షేర్ చేసింది. అతను భారతీయ వార్తా ఛానెల్‌లను, జర్నలిస్టులను ట్యాగ్ చేశారు.
నిజ నిర్ధారణ :
NewsMeter బృందం వీడియో కీఫ్రేమ్‌ను రివర్స్ ఇమేజ్ సెర్చ్ చేసింది. ఈ వీడియోను పాకిస్తాన్ జర్నలిస్ట్ గులాం అబ్బాస్ షా 19 సెప్టెంబర్ 2022న ట్వీట్ చేసినట్లు కనుగొంది. పాకిస్తాన్ ఎయిర్‌లైన్‌లో ఒక ప్రయాణికుడు సీట్లను గుద్దడం, ఫ్లైట్ కిటికీని తన్నడం ద్వారా ఇబ్బంది కలిగించాడని అతను చెప్పాడు.
సెప్టెంబరు 19న డైలీ మెయిల్ ప్రచురించిన కథనంలో మేము వీడియో విజువల్స్‌కు సమానమైన చిత్రాలను కూడా కనుగొన్నాము. పాకిస్థాన్ నుంచి దుబాయ్ వెళ్తున్న విమానంలో ఓ ప్రయాణికుడు విమానం కిటికీని తన్నడం ద్వారా తన కోపాన్ని బయట పెడుతున్నాడని పేర్కొంది. పాకిస్తాన్ ఇంటర్నేషనల్ ఎయిర్‌లైన్స్ విమానం PK-283 పెషావర్ నుండి దుబాయ్‌లో దిగిన తర్వాత ఆ వ్యక్తిని అరెస్టు చేసి పాకిస్తాన్‌కు పంపించారు.
ఈ సంఘటనను డాన్, డైలీ టైమ్స్, ది ట్రిబ్యూన్ కూడా నివేదించాయి.
ఈ పరిశోధనల ప్రకారం, వీడియో పాకిస్తాన్ విమానంలో జరిగింది. ఇది భారతదేశానికి చెందినది కాదని స్పష్టమైంది. కాబట్టి, వైరల్ అవుతున్న ప్రచారంలో ఎలాంటి నిజం లేదు.
