FactCheck : ట్రంప్ కుమార్తె అక్బరుద్దీన్ ఒవైసీ అస్రా ఆసుపత్రిని సందర్శించిందా..?
Trumps Daughter did not visit Akbaruddin Owaisis Asra Hospital. అమెరికా మాజీ అధ్యక్షుడు డొనాల్డ్ ట్రంప్ కుమార్తె అక్బరుద్దీన్ ఒవైసీ ఆసుపత్రిని
By న్యూస్‌మీటర్ తెలుగు
అమెరికా మాజీ అధ్యక్షుడు డొనాల్డ్ ట్రంప్ కుమార్తె అక్బరుద్దీన్ ఒవైసీ ఆసుపత్రిని సందర్శించినట్లు సోషల్ మీడియా వినియోగదారులు పేర్కొంటున్నారు. ఆమె ఆసుపత్రిని, అక్బరుద్దీన్ ఒవైసీ చేస్తున్న మంచి పనిని ప్రశంసించిందని వినియోగదారులు పేర్కొన్నారు.
నిజ నిర్ధారణ :
వైరల్ అవుతున్న పోస్టుల్లో ఎలాంటి నిజం లేదు.
NewsMeter బృందం రివర్స్ ఇమేజ్ సెర్చ్ ను నిర్వహించింది. ఆ వీడియో ఉన్నది సాఫ్ట్‌వేర్ మేనేజ్‌మెంట్ కంపెనీ IoTeedom వ్యవస్థాపకురాలు, అమెరికన్ వ్యాపారవేత్త బ్రియానా కుక్ అని కనుగొన్నాము.
మేము 01 డిసెంబర్ 2017న అప్‌లోడ్ చేసిన వైరల్ వీడియోకు సంబంధించి మరింత నిడివి ఉన్న వీడియోను కూడా కనుగొన్నాము. వీడియో ప్రారంభంలో, ఆ మహిళ తనను తాను యునైటెడ్ స్టేట్స్ కు చెందిన బ్రెయిన్ కుక్‌గా పరిచయం చేసుకోవడం వినబడింది.
"Ivanka trump friend visited Asra hospital || Hyderabad 2017"("ఇవాంకా ట్రంప్ స్నేహితురాలు అస్రా ఆసుపత్రిని సందర్శించారు || హైదరాబాద్ 2017") అని వీడియో శీర్షిక ఉంది.
డొనాల్డ్ ట్రంప్‌కు ఇవాంకా, టిఫనీ ట్రంప్ అనే ఇద్దరు కుమార్తెలు ఉన్నారు. వైరల్ వీడియోలో ఉన్న మహిళతో ఇవాంకా, టిఫానీల చిత్రాలను పోల్చడం ద్వారా ఆమె ట్రంప్ కుమార్తె కాదని తేలింది.
అలాగే, ఒవైసీ సోదరులు నిర్వహించే ఆసుపత్రికి ట్రంప్ కుమార్తెలు వెళ్లడంపై ఎలాంటి మీడియా నివేదికలు మాకు కనిపించలేదు.
నవంబర్ 30, 2017న అక్బరుద్దీన్ ఒవైసీతో బ్రెయిన్ కుక్ సమావేశాన్ని నివేదించిన ఇతర స్థానిక మీడియా సంస్థలను మేము హైదరాబాద్‌లో కనుగొన్నాము.
కాబట్టి, వైరల్ అవుతున్న పోస్టుల్లో 'ఎటువంటి నిజం లేదు'.
