FactCheck : అమరావతిలో బావి కోసం తవ్వగానే ఇంత వేగంగా భూమి నుండి నీరు బయటకు వస్తోందా..?

నీళ్లు ఉవ్వెత్తున ఎగురుతున్న వీడియో సోషల్ మీడియాలో వైరల్ అవుతూ ఉంది. బావి తవ్వుతూ ఉండగా ఊహించని విధంగా నీళ్లు ఎగసి పడుతూ ఉన్నాయని చెప్పుకొస్తున్నారు. వీడియో సోషల్ మీడియాలో విస్తృతంగా షేర్ అవుతోంది.

బావి తవ్వే సమయంలో నీరు ఒక్కసారిగా బయటకు రావడంతో 5 మంది మరణించారని.. ఆ వీడియో మహారాష్ట్రలోని అమరావతి జిల్లాకు చెందినదని వినియోగదారులు పేర్కొన్నారు. "మహారాష్ట్రలోని అమరావతి జిల్లాలో బావిని తవ్వుతుండగా అకస్మాత్తుగా నీరు రావడంతో ఐదుగురు కార్మికులు మరణించారు, ఇది ఒక అద్భుతం అని పేర్కొన్నారు. నీరు చాలా వేగంగా ప్రవహిస్తుంది. దాని దగ్గర నిలబడలేము" అంటూ పలు భాషల్లో పోస్టులు పెట్టారు.

నిజ నిర్ధారణ :

వైరల్ అవుతున్న పోస్టుల్లో 'ఎటువంటి నిజం లేదు'

అమరావతిలో ఇలాంటి సంఘటన ఏదైనా జరిగిందా అనే కోణంలో న్యూస్‌మీటర్ దర్యాప్తు ప్రారంభించింది. అయితే, మాకు ఇటీవలి నివేదికలు ఏవీ కనుగొనబడలేదు. మేము Google రివర్స్ ఇమేజ్ సెర్చ్ చేసాము. అప్పుడు YouTube ఛానెల్ 'PLL News'లో అప్‌లోడ్ చేయబడిన వీడియో కనిపించింది. వీడియో అక్టోబర్ 26, 2018న అప్‌లోడ్ చేయబడింది.

అక్టోబరు 14, 2018న 'గ్రామాంచల్ న్యూస్' అనే మరో యూట్యూబ్ ఛానెల్‌లో ఇలాంటి వీడియో అప్‌లోడ్ చేయబడినట్లు మేము కనుగొన్నాము.

"మధ్యప్రదేశ్‌లోని రత్లాం జిల్లా ఝార్ గ్రామంలో బావిని తవ్వుతుండగా, అకస్మాత్తుగా నీరు చాలా వేగంగా వచ్చింది, ఏడుగురు కూలీలు మరణించారు, సమీపంలో ఎవరూ నిలబడలేనంత వేగంగా నీరు వస్తోంది ఇది ప్రకృతి అద్భుతం," అని వీడియో వివరణ ఉంది.

అయితే వైరల్ పోస్టుల్లో భాగంగా చెప్పినట్లుగా ఈ ఘటన మహారాష్ట్రలో చోటు చేసుకోలేదు.