FactCheck : ఈ వీడియో పాకిస్తాన్ లో చోటు చేసుకున్న క్లౌడ్‌బర్ట్స్‌కు సంబంధించినదేనా..?
Old video of Australia cloudburst falsely shared as Pak Sindh rainfall. ఇటీవలి కాలంలో ఎక్కువగా వినిపించిన పేరు 'క్లౌడ్ బరస్ట్'. అమర్ నాథ్ యాత్రలో
By న్యూస్‌మీటర్ తెలుగు Published on 24 Aug 2022 1:15 PM GMT
ఇటీవలి కాలంలో ఎక్కువగా వినిపించిన పేరు 'క్లౌడ్ బరస్ట్'. అమర్ నాథ్ యాత్రలో ఊహించని విధంగా వరదలకు కారణమైంది క్లౌడ్ బరస్ట్. ఆ తర్వాత తెలంగాణ ముఖ్యమంత్రి కేసీఆర్ కూడా క్లౌడ్ బరస్ట్ కు సంబంధించిన వ్యాఖ్యలు చేయడం సంచలనమైంది. ఇప్పుడు పాకిస్తాన్ లోని సింధ్ లో కూడా ఊహించని విధంగా వరదలు ఏర్పడ్డాయి. అందుకు కారణం కూడా క్లౌడ్ బరస్ట్ అని చెబుతూ వస్తున్నారు.
పాకిస్థాన్‌లోని సింధ్‌లో భారీ వర్షపాతం నమోదవుతున్న నేపథ్యంలో, మేఘాల విస్ఫోటనంకు సంబంధించిన వీడియో సింధ్ నుండి వచ్చినట్లు పేర్కొంటూ వైరల్ చేస్తున్నారు.
వాతావరణ మార్పులకు సంబంధించి పాకిస్తాన్ మంత్రి షెర్రీ రెహ్మాన్ ఈ వీడియోను పంచుకున్నారు. "ఈ రోజు 19 ఆగస్టు 2022 న మేము సింధ్ అంతటా ఒక్క రోజులో 355 మిల్లీమీటర్ల భారీ వర్షపాతాన్ని నమోదు చేసాము. 24 గంటల్లో 238 మిమీ వర్షపాతం నమోదైంది. చాలా ప్రాంతాల్లో 3 రోజులపాటు ఎడతెరిపి లేకుండా వర్షం కురిసింది." అని పోస్టు పెట్టారు. "Today on 19 Aug 2022 we recorded the heaviest rainfall ever in one day all over Sindh, at 355 mm, setting a new record for rainfall in 24hours which was at 238 mm on 31Aug2011. Many areas saw non-stop rain for 3 days. Unprecedented storm Cloudburst over Jamshoro (sic)."
'ది నమల్' మీడియా సంస్థ నివేదిక కూడా అదే విజువల్స్ కలిగి ఉంది. ఇది సింధ్‌లోని జంషోరో లో చోటు చేసుకుందంటూ నివేదించింది.
నిజ నిర్ధారణ :
NewsMeter బృందం రివర్స్ ఇమేజ్ సెర్చ్‌ను నిర్వహించింది. 1 ఆగస్టు 2022న ఇన్‌స్టాగ్రామ్ పేజీ "Kaneartie Photography"లో అప్‌లోడ్ చేయబడిన అదే వీడియోను కనుగొంది. "#Perthstorm" ఉపయోగించిన హ్యాష్‌ట్యాగ్ మాకు క్లూ ఇచ్చింది.
మేము ఫేస్‌బుక్‌లో వీడియోను కూడా కనుగొన్నాము. వీడియోలో "కేన్ ఆర్టీ ఫోటోగ్రఫీ" అని టెక్స్ట్ చూడవచ్చు.
మేము YouTubeలో కీవర్డ్ సెర్చ్ చేసాము. అదే వీడియో 4 ఆగస్టు 2022న "క్లౌడ్ బరస్ట్ ఎట్ పెర్త్ ఆస్ట్రేలియా" పేరుతో ప్రచురించబడింది.
మేము కేన్ ఆర్టీ ఫోటోగ్రఫీ యొక్క ఫేస్‌బుక్ పేజీని కూడా తనిఖీ చేసాము. 5 ఆగస్టు 2022న సోషల్ మీడియాలో షేర్ చేయబడిన వీడియోకు సమానమైన ఫోటోను అప్‌లోడ్ చేసినట్లు కనుగొన్నాము. క్యాప్షన్ ఇలా ఉంది, "This is just one of the shots from the storm Timelapse back in February 2020." ఈ పోస్ట్ ద్వారా ఆమె ఈ వీడియోకు నిజమైన యజమాని అని నిర్ధారించింది. వీడియో 2020లో చిత్రీకరించబడిందని స్పష్టత వచ్చింది.
ఈ వీడియో ఆస్ట్రేలియాలోని పెర్త్‌కు చెందినదని, పాకిస్తాన్‌లోని సింధ్‌లో ఇటీవల జరిగిన క్లౌడ్‌బర్స్ట్‌ను సంబంధం లేదని స్పష్టంగా తెలుస్తోంది.
కాబట్టి.. వైరల్ అవుతున్న పోస్టుల్లో 'ఎటువంటి నిజం లేదు'.
