FactCheck : ఉక్రెయిన్ లో సిక్కులు ఉచితంగా భోజనం అందిస్తూ ఉన్నారా..?
Old Image of Sikhs Offering Free Food In Canada Shared as Langar in Ukraine. ఫుడ్ ట్రక్ ముందు భోజనం చేస్తున్న వ్యక్తుల ఫోటో సోషల్ మీడియాలో వైరల్ అవుతోంది.
By న్యూస్‌మీటర్ తెలుగు Published on 1 March 2022 3:30 PM GMT
ఫుడ్ ట్రక్ ముందు భోజనం చేస్తున్న వ్యక్తుల ఫోటో సోషల్ మీడియాలో వైరల్ అవుతోంది. ఉక్రెయిన్‌లో సిక్కులు స్వేచ్ఛగా లంగర్‌ను నడుపుతున్నారని.. పలువురికి భోజనం అందిస్తూ ఉన్నారని పోస్టులు పెడుతూ ఉన్నారు.
నిజ నిర్ధారణ :
వైరల్ అవుతున్న పోస్టుల్లో ఎటువంటి నిజం లేదు.
వైరల్ ఫోటోను తీసుకుని న్యూస్ మీటర్ గూగుల్ రివర్స్ ఇమేజ్ సెర్చ్ చేసింది. 'We The Sikhs' అనే ఫేస్ బుక్ పేజీలో ఆగష్టు 06, 2018న ఇలాంటి ఫోటో ఉండడం గమనించాము.
"Canada's first Free Food Truck – Guru Nanak Dev Ji's LANGAR – Goodbye Hunger. Everybody is welcome here regardless of Faith, Gender, Age, Caste, or Status," అని ఆ పోస్టులో ఉంది. "కెనడాలో మొట్టమొదటి ఉచిత ఫుడ్ ట్రక్ - గురునానక్ దేవ్ జీ లంగర్ - ఆకలికి వీడ్కోలు. మతం, లింగం, వయస్సు, కులం,హోదాతో సంబంధం లేకుండా ప్రతి ఒక్కరికీ ఇక్కడకు స్వాగతం" అని పోస్ట్ పేర్కొంది.
'We The Sikhs' ట్విట్టర్ హ్యాండిల్ లో ఆగష్టు 06, 2018న పోస్టును పెట్టారు. ఇందులో కూడా అదే ఫోటోను చూడవచ్చు.
అక్టోబర్ 16, 2016న ఫుడ్ ట్రక్‌తో పాటు చిత్రాన్ని పోస్ట్ చేసిన ఇన్‌స్టాగ్రామ్ హ్యాండిల్ 'సిక్‌సేవాసొసైటీ' ద్వారా మేము ఒక పోస్ట్‌ను కనుగొన్నాము. "ఫుడ్ ట్రక్ ప్రారంభోత్సవ వేడుక" అని క్యాప్షన్ ఉంది.
అదే పేజీ ఫిబ్రవరి 27, 2022న ఒక పోస్ట్‌ను కూడా షేర్ చేసింది. పోస్ట్‌లో వైరల్ ఇమేజ్‌కి సమానమైన ఇమేజ్ ఉంది.
సిక్కు సేవా సొసైటీ మొబైల్ కిచెన్ చిత్రాన్ని తప్పుడు కథనాలతో సోషల్ మీడియాలో పోస్ట్ చేసినట్లు ఇటీవల బోర్డు దృష్టికి తీసుకురాబడింది. సంక్షోభ సమయంలో ఉక్రెయిన్‌లో లంగర్ అందిస్తున్నామని తప్పుగా సూచిస్తున్నాయి. అందులో నిజం లేదు. తప్పుడు సమాచారాన్ని వ్యాప్తి చేయవద్దు. ప్రస్తుతం కెనడా వెలుపల తమ బృందం నుండి ఎటువంటి క్రియాశీల కార్యకలాపాలు లేవని బోర్డు స్పష్టం చేయదలిచిందని అన్నారు.
కాబట్టి వైరల్ పోస్టుల్లో నిజం లేదని తెలుస్తోంది.
