FactCheck : యోగి రెండోసారి ముఖ్యమంత్రిగా గెలిచినందుకు ఉచితంగా ఇంటర్నెట్ ను అందించనున్నారా..?

ఉత్తరప్రదేశ్ లో యోగి ఆదిత్యనాథ్ రెండోసారి ముఖ్యమంత్రిగా బాధ్యతలు చేపట్టారు. అయితే యోగి ప్రభుత్వ ఎన్నికల విజయాన్ని పురస్కరించుకుని జియో, ఎయిర్‌టెల్, విఐలు తమ సబ్‌స్క్రైబర్‌లకు 3 నెలల ఉచిత రీఛార్జ్‌ను అందిస్తున్నాయని సోషల్ మీడియా వినియోగదారులు పేర్కొంటున్నారు.

"ఉత్తరప్రదేశ్‌లో యోగి ప్రభుత్వం సాధించిన ఎన్నికల విజయాన్ని పురస్కరించుకుని, భారతీయ వినియోగదారులందరికీ ఉచితంగా 3 నెలల రీఛార్జ్ అందించబడుతోంది. మీరు Jio, Airtel లేదా Vi వినియోగదారులు అయితే, మీరు ఈ ఆఫర్‌ను పొందవచ్చు. దయచేసి గమనించండి: ఈ ఆఫర్ 31 మార్చి 2022 వరకు మాత్రమే చెల్లుబాటు అవుతుంది, త్వరపడండి" అని వైరల్ సందేశం చదువుతుంది.

న్యూస్‌మీటర్ ఫ్యాక్ట్ చెక్ బృందానికి ఈ వైరల్ పోస్టు వాట్సాప్‌లో షేర్ చేయబడింది.

నిజ నిర్ధారణ :

న్యూస్ మీటర్ బృందం ఈ ఆఫర్ కు సంబంధించి.. కీవర్డ్ సెర్చ్ ను నిర్వహించగా.. ఎటువంటి మెసేజీలను కూడా గుర్తించలేదు. NewsMeter సంబంధిత కీలకపదాలతో వెబ్‌లో సెర్చ్ చేసింది కానీ.. ఏ మీడియా పోర్టల్‌లోనూ అలాంటి వార్తలేవీ కనిపించలేదు.

మేము 22 ఏప్రిల్ 2021న `జాగ్రన్ కామ్'లో ప్రచురించిన వార్తలను కనుగొన్నాము. సెల్యులార్ ఆపరేటర్స్ అసోసియేషన్ ఆఫ్ ఇండియా (COAI) ఈ సందేశాన్ని ఫేక్ అని కొట్టిపారేసింది. ఇలాంటి మోసపూరిత సందేశాల పట్ల వినియోగదారులు అప్రమత్తంగా ఉండాలని COAI సూచించింది. ఈ సందేశాన్ని ప్రభుత్వం లేదా టెలికాం ఆపరేటర్లు జారీ చేయలేదని పేర్కొంది.

అంతేకాకుండా, PIB ఫ్యాక్ట్ చెక్ వైరల్ పోస్టును ఫేక్ అని తెలిపింది. వైరల్ సందేశం అబద్ధమని, ప్రభుత్వం నుండి అలాంటి ప్రకటన ఏదీ చేయలేదని అందులో పేర్కొంది.

ఉచిత రీఛార్జ్‌కి సంబంధించిన లింక్‌లు వినియోగదారులను తెలియని సైట్‌లకు తీసుకువెళతాయి. మీ వ్యక్తిగత సమాచారం దొంగిలించబడవచ్చు.

దీనిని స్కామ్‌గా పేర్కొంటూ, అటువంటి సందేశాన్ని క్లిక్ చేయవద్దని COAI ప్రజలకు సూచించింది. ఇది మీ వ్యక్తిగత సమాచారాన్ని దొంగిలించడమే కాకుండా మీకు ఆర్థిక నష్టాన్ని కలిగించవచ్చు. వినియోగదారులకు అలాంటి సందేశం వస్తే, వెంటనే దానిని తొలగించాలి.

కాబట్టి వైరల్ పోస్టులలో ఎటువంటి నిజం లేదు.