Fact Check : వరుణ్ గాంధీ, మనేక గాంధీ భారతీయ జనతా పార్టీని వీడుతున్నారా..?

యూనియన్ మినిస్టర్ మనేక గాంధీ, ఎంపీ వరుణ్ గాంధీ భారతీయ జనతా పార్టీని వీడుతున్నారనే కథనాలు సామాజిక మాధ్యమాల్లో వైరల్ అవుతూ ఉన్నాయి. వారిద్దరూ కాంగ్రెస్ పార్టీలో చేరుతూ ఉన్నారనే పోస్టులు పెడుతూ ఉన్నారు.

అందుకు సంబంధించిన లింక్ లు, స్క్రీన్ షాట్లు ఇక్కడ చూడొచ్చు.

https://www.facebook.com/groups/2325645344338248/permalink/3192470114322429/

బ్రేకింగ్ న్యూస్ అంటూ ఏదో మీడియా సంస్థ ఇస్తున్న సమాచారం లాగా.. ఆ పోస్టులు ఉన్నాయి. మరో వైపు యూట్యూబ్ లింక్ లో వీడియో కూడా ఉంది.

నిజ నిర్ధారణ:

వైరల్ అవుతున్న పోస్టుల్లో 'ఎటువంటి నిజం లేదు'.

ఇటువంటి కథనాల గురించి న్యూస్ మీటర్ తెలుసుకోడానికి ప్రయత్నించగా ఎటువంటి వార్తా కథనాలు కూడా కనిపించలేదు. మీడియాలో కూడా వార్తలు రాలేదు.

వరుణ్ గాంధీ, మనేక గాంధీలకు సంబంధించిన సమాచారం మరింత తెలుసుకోడానికి ప్రయత్నించాము. ఎక్కడ కూడా వారు పార్టీ మారుతున్న విషయం తెలియలేదు.

మేము పోస్ట్‌తో భాగస్వామ్యం చేసిన వీడియోను పరిశీలించాము. జూలై 11, 2021 న షేర్ చేసిన ఈ 30 సెకన్ల వీడియో యొక్క శీర్షిక ఇలా ఉంది: "Varun with Maneka joined Congress and welcomed Congress". ఈ వీడియోను పూర్తిగా చూశాము మరియు వరుణ్ గాంధీ లేదా మేనకా గాంధీ బీజేపీని వదిలి కాంగ్రెస్ లో చేరినట్లు చెప్పలేదు. కొంతమంది వరుణ్ గాంధీ కాంగ్రెస్‌లో చేరాలని కోరుకుంటున్నట్లు చెప్పబడింది.

వారి సోషల్ మీడియాలో అలాంటి సమాచారం కోసం వెతికాము. 2021 జూన్ 12 న వరుణ్ గాంధీ చేసిన ట్వీట్‌ను చూడొచ్చు. ఈ ట్వీట్‌లో ఆయన కాంగ్రెస్‌లో చేరడాన్ని ఖండించారు.

"ఇది హానికరమైన నకిలీ వార్తలు. అర్ధంలేని వార్తలు ప్రచురిస్తున్న వారిపై చట్టపరమైన నోటీసును పదేపదే పంపుతాను. మీరు ఈ పోస్ట్‌ను తొలగించకపోతే, మీడియా ప్లాట్‌ఫామ్‌ల నుండి.. నేను మిమ్మల్ని కోర్టులో చూస్తాను. "అని ట్వీట్ చేశారు వరుణ్ గాంధీ.

మనేక గాంధీ ట్విట్టర్ ఖాతాలో కూడా అలాంటి వార్త ఎక్కడా కనిపించలేదు. ఆమె పార్టీ మారుతున్నట్లు ఎటువంటి సమాచారం ఇవ్వలేదు. ఆమె అధికారిక ట్విట్టర్ ఖాతాలోని కవర్ ఫోటోలో ప్రధాని నరేంద్ర మోదీతో ఉన్న ఫోటోను ఉంచారు.

వరుణ్ గాంధీ, మనేక గాంధీ బీజేపీని వీడుతున్నట్లుగా వైరల్ అవుతున్న పోస్టుల్లో 'ఎటువంటి నిజం లేదు'.