FactCheck : యూట్యూబర్ మనీష్ కశ్యప్ కు మధురై కోర్టు క్లీన్ చిట్ ఇచ్చిందా?

బీహార్ యూట్యూబర్ మనీష్ కశ్యప్‌కి మధురై కోర్టు క్లీన్ చీట్ ఇచ్చిందని పేర్కొంటూ అతని చిత్రాలకు సంబంధించిన ఫోటోలు సోషల్ మీడియాలో షేర్ చేస్తున్నారు. తమిళనాడులోని బీహార్ నుండి వలస వచ్చిన కార్మికులపై దాడులకు సంబంధించిన నకిలీ వీడియోలను రూపొందించిన ఆరోపణలపై కశ్యప్‌ను అరెస్టు చేశారు.

మదురై కోర్టు పోలీసులను మందలించిందని, కశ్యప్‌కు క్లీన్ చీట్ ఇచ్చిందని ట్విట్టర్ యూజర్లు కశ్యప్ చిత్రాలను షేర్ చేశారు.

నిజ నిర్ధారణ :

న్యూస్‌మీటర్ బృందం వైరల్ అవుతున్న వాదనలో ఎటువంటి నిజం లేదని ధృవీకరించింది.

మేము కీవర్డ్ సెర్చ్ ను నిర్వహించాము. మార్చి 31న ది ఇండియన్ ఎక్స్‌ప్రెస్ నివేదికను చూశాము. తమిళనాడులోని వలస కార్మికులపై దాడులకు పాల్పడిన నకిలీ వీడియోలకు సంబంధించిన కేసుల్లో యూట్యూబర్ మనీష్ కశ్యప్‌ను విచారించేందుకు మధురై కోర్టు మార్చి 30న తమిళనాడు పోలీసులకు మూడు రోజుల కస్టడీని మంజూరు చేసింది. లొంగిపోయిన కశ్యప్‌ను బీహార్ పోలీసు ఆర్థిక నేరాల విభాగం (EOU) మార్చి 18న అరెస్టు చేసినట్లు కూడా పేర్కొంది. తమిళనాడు పోలీసుల ప్రత్యేక బృందం అతన్ని ట్రాన్సిట్ రిమాండ్‌పై రాష్ట్రానికి తీసుకువచ్చింది.

కశ్యప్‌ను ఏడు రోజుల కస్టడీకి ఇవ్వాలని పోలీసులు కోరారని, దానిని అతని న్యాయవాది నిరంజన్ ఎస్.కుమార్ వ్యతిరేకించారని ది హిందూ తెలిపింది. జ్యుడీషియల్ మేజిస్ట్రేట్ మనీష్ కశ్యప్‌కు మూడు రోజుల కస్టడీని మంజూరు చేశారు. ఏప్రిల్ 3న అతన్ని కోర్టు ముందు హాజరుపరచాలని పోలీసులను కోరారు.

న్యూస్‌మీటర్‌తో న్యాయవాది నిరంజన్ ఎస్.కుమార్ మాట్లాడారు. తన క్లయింట్‌కు క్లీన్ చీట్ ఇవ్వలేదని పేర్కొన్నారు. ఏప్రిల్ 3న, పోలీసులు అతడి విచారణకు మరింత సమయం కోరారు. ఏప్రిల్ 5న కశ్యప్‌ని మళ్లీ కోర్టు ముందు హాజరుపరచనున్నారు.

మధురై కోర్టు యూట్యూబర్ మనీష్ కశ్యప్‌కు క్లీన్ చీట్ ఇచ్చిందన్న వాదన తప్పు అని మేము నిర్ధారించాము.

Credits : Md Mahfooz Alam