FactCheck : ఫోన్ పేలో భారీగా క్యాష్ బ్యాక్ లభిస్తోందా..?

భారతదేశంలో డబ్బుల ట్రాన్సాక్షన్ విషయంలో ఫోన్ పే ను ఎక్కువగా ఉపయోగిస్తూ ఉన్నారు. అందుకని ఆ యాప్ కు సంబంధించిన లింక్ లు అంటూ పలు మెసేజీలు, పోస్టులు సోషల్ మీడియాలో వైరల్ అవుతూ ఉన్నాయి.

PhonePeకి సంబంధించిన వెబ్‌సైట్ లింక్ WhatsAppలో వైరల్ అవుతోంది. PhonePe అపరిమిత క్యాష్‌బ్యాక్ ఆఫర్‌ను అందిస్తోందని చెబుతూ ఉన్నారు. ఇక్కడ వినియోగదారులు స్క్రాచ్ కూపన్‌ల నుండి 1,999 సొంతం చేసుకోవచ్చని చెబుతూ ఉన్నారు.

https://scratch-coupons.xyz/ అంటూ లింక్ లను షేర్ చేస్తూ ఉన్నారు.

నిజ నిర్ధారణ :

వైరల్ అవుతున్న మెసేజీ ప్రజలను తప్పుద్రోవ పట్టిస్తూ ఉంది.

న్యూస్‌మీటర్ బృందం వైరల్ మెసేజీ లోని లింక్‌పై క్లిక్ చేసింది. అప్పుడు ఓపెన్ అయిన లింక్ PhonePe అధికారిక వెబ్‌సైట్ కాదు.

వెబ్‌సైట్‌లోని టెక్స్ట్ ఇలా ఉంది, "అపరిమిత క్యాష్‌బ్యాక్, స్క్రాచ్ చేయండి మరియు రూ. 1,998 వరకు అపరిమిత క్యాష్‌బ్యాక్‌ను గెలుచుకోండి." పేజీ దిగువన ఉన్న టెక్స్ట్ ఇలా ఉంది, "తదుపరి దశ: రివార్డ్ మొత్తాన్ని నేరుగా మీ బ్యాంక్ ఖాతాకు డబ్బు పంపడానికి క్లిక్ చేయండి." వెబ్‌సైట్‌లో 'స్క్రాచ్ అండ్ విన్' అని పేర్కొన్నప్పటికీ, వినియోగదారులు స్క్రాచ్ చేయడానికి అలాంటిదేమీ లేదని మేము గమనించాము. మేము లింక్‌ను క్లిక్ చేసిన వెంటనే, వెబ్‌సైట్ 'మీరు రూ. 782' గెలుచుకుంది అంటూ మెసేజీని చూపించింది.

కీవర్డ్ సెర్చ్ ను నిర్వహించినప్పుడు.. మా బృందం 21 ఆగస్టు 2020న PhonePe వెబ్‌సైట్‌లో ప్రచురించబడిన నివేదికను కనుగొంది. ఈ క్యాష్‌బ్యాక్ లింక్‌లు బూటకమని, దీని వలన వినియోగదారులు తమ డబ్బును కోల్పోయేలా చేస్తారని హెచ్చరించింది.

"క్యాష్‌బ్యాక్ ఆఫర్‌లు, స్క్రాచ్ కార్డ్‌ల ద్వారా రివార్డ్‌లను గెలుచుకుంటామనే హామీలతో మోసగాళ్లు వినియోగదారులను ఆకర్షిస్తున్నారు. కొందరు మీకు ఆఫర్‌లతో నకిలీ లింక్‌లను పంపవచ్చు లేదా నకిలీ సోషల్ మీడియా పేజీలలో క్యాష్‌బ్యాక్ సంబంధిత పోస్ట్‌లను కూడా చూపించవచ్చు. ఈ లింక్‌లు, సోషల్ మీడియా పేజీలు ఆఫర్ నిజమైనదేనని మిమ్మల్ని మోసగించడానికి PhonePe అధికారిక వెబ్‌సైట్ మరియు లోగోను పోలి ఉండేలా తెలివిగా రూపొందించబడింది. కొంతమంది స్కామ్‌ చేసే వ్యక్తులు కూడా మీకు కాల్ చేసి, PhonePe యాప్‌లో కనిపించే చెల్లింపు లింక్‌ను ఆమోదించడం ద్వారా క్యాష్‌బ్యాక్‌ను స్వీకరించడానికి కొన్ని దశలను పూర్తి చేయమని మిమ్మల్ని అడగవచ్చు" అని అది పేర్కొంది. PhonePe క్యాష్‌బ్యాక్ ఎలా పనిచేస్తుందో ఆ నివేదిక మరింత వివరించింది.

5 ఏప్రిల్ 2021, థానే సిటీ పోలీసులు చేసిన ట్వీట్‌ను మా బృందం కనుగొంది. ఆ ట్వీట్ ఫోన్‌పే క్యాష్‌బ్యాక్ స్కామ్‌కి సంబంధించినది. ఫార్వార్డ్ చేయబడే అటువంటి లింక్‌లపై క్లిక్ చేయవద్దని పోలీసులు వినియోగదారులను కోరారు.

కాబట్టి వైరల్ ఫోన్ పే మెసేజీ ఒక బూటకమని అందరూ గుర్తించాలి. ఇలాంటి వాటిపై క్లిక్ చేయకండి.