అమెరికాలో కూడా దుమ్ముదులుపుతున్న టిల్లు స్క్వేర్

సిద్ధు జొన్నలగడ్డ, అనుపమ పరమేశ్వరన్ జంటగా నటించిన టిల్లు స్క్వేర్ బాక్సాఫీస్ వద్ద మంచి కలెక్షన్స్ సాధిస్తోంది. ఈ సినిమాకు సానుకూల సమీక్షలు కూడా రావడం.. మౌత్ టాక్ కూడా బాగుండడంతో వారాంతంలో బాక్సాఫీస్ వద్ద మంచి ప్రారంభాన్ని అందుకుంది. ఈ సినిమా ఇప్పటికే ప్రపంచవ్యాప్తంగా 75 కోట్లకు పైగా వసూలు చేయగలిగింది. ఇక అమెరికాలో 2 మిలియన్ డాలర్ల కలెక్షన్స్ మార్కును తాకడం ద్వారా మరో మైలురాయిని అధిగమించింది.

DJ టిల్లును అధిగమించకపోవచ్చని చాలామంది భావించారు. కానీ సినిమాలో సిద్ధు జొన్నలగడ్డ సూపర్బ్ కామెడీ, వన్ లైనర్లతో సినిమాను ముందుకు తీసుకుని వెళ్ళాడు. ఈ చిత్రం ఇప్పటికే U.S.లోని బాక్సాఫీస్ వద్ద $2M మార్కును తాకింది. త్వరలో 3 మిలియన్ల మార్కును కూడా తాకుతుందని అంటున్నారు. రానున్న రోజుల్లో ఈ చిత్రం ప్రపంచ వ్యాప్తంగా 100 కోట్ల గ్రాస్ మార్క్‌ను కూడా ఈజీగా దాటబోతోంది. ఏప్రిల్ 5న విడుదల కానున్న 'ఫ్యామిలీ స్టార్' కారణంగా కొంచెం కలెక్షన్స్ తగ్గొచ్చు. లాంగ్ రన్ లో మాత్రం టిల్లు స్క్వేర్ మంచి విజయాన్ని అందుకోనుంది.