ఫ్యామిలీ మ్యాన్ సిరీస్ నటుడు మృతి

మనోజ్ బాజ్‌పేయి లీడ్ లో నటించిన హిట్ షో 'ఫ్యామిలీ మ్యాన్' మూడవ సీజన్ లో నటించిన రోహిత్ బసోర్ గౌహతిలోని గర్భంగ జలపాతాల సమీపంలో మృతి చెందాడని పోలీసులు ధృవీకరించారు. పోస్ట్‌మార్టం నివేదిక కోసం నటుడు నీటిలో మునిగి మరణించినట్లు సమాచారం.

పోలీసు వర్గాల సమాచారం ప్రకారం, రోహిత్ తన తొమ్మిది మంది సహచరులతో కలిసి విహారయాత్రకు వెళ్లినప్పుడు జలపాతంలో పడిపోయాడని తెలుస్తోంది. ఈ సంఘటన మధ్యాహ్నం 2 గంటల ప్రాంతంలో జరిగిందని రాణి పోలీస్ అవుట్‌పోస్ట్ అధికారులు తెలిపారు. అధికారులు సాయంత్రం 4.30 గంటలకు సంఘటనా స్థలానికి చేరుకున్నారు. సాయంత్రం 6.30 గంటలకు SDRF బృందం మృతదేహాన్ని స్వాధీనం చేసుకుందని పోలీసులు తెలిపారు. ప్రాథమిక దర్యాప్తు ప్రకారం, రోహిత్ ప్రమాదవశాత్తూ జలపాతంలో పడిపోయాడని పరిగణిస్తున్నారు. అయితే ఎవరి మీదా తమకు అనుమానం లేదని పోలీసులు తెలిపారు. కేసులో తదుపరి దర్యాప్తు జరుగుతోంది. మనోజ్ బాజ్‌పేయి రోహిత్ మరణంపై సంతాపాన్ని వ్యక్తం చేశారు.