'సర్కారు వారి పాట' మొద‌లైంది.. 20రోజుల పాటు అక్క‌డే షూటింగ్‌..!

Sarkari Vari Pata Shooting Started. సూపర్‌ స్టార్‌ మహేశ్‌‌ బాబు 'సర్కారు వారి పాట' సినిమా రెగ్యులర్‌ షూటింగ్ దుబాయ్‌లో మొదలైందంటూ ప్రకటించింది.

By Medi Samrat  Published on  25 Jan 2021 8:44 AM GMT
Sarkari Vari Pata Shooting Started.

సూపర్‌ స్టార్‌ మహేశ్‌‌ బాబు అభిమానులకు 'సర్కారు వారి పాట' నిర్మాణ సంస్థ‌ 14 రీల్స్ ప్లస్‌ సర్‌ప్రైజ్ న్యూస్ చెప్పింది. నేటి నుండి ఈ సినిమా రెగ్యులర్‌ షూటింగ్ దుబాయ్‌లో మొదలైందంటూ సోషల్‌ మీడియా వేదికగా‌ ప్రకటించింది. 'ది యాక్షన్ అండ్ ది యాక్షన్ బిగిన్స్' అనే క్యాప్షన్‌తో ట్వీటర్‌లో ఓ వీడియోను షేర్‌ చేసింది.


గీత‌గోవిందం ఫేమ్‌ పరశురామ్ దర్శకత్వంలో తెర‌కెక్కుతోన్న ఈ భారీ చిత్రాన్ని 14 రీల్స్ ప్లస్, మైత్రి మూవీస్‌, మహేశ్ బాబు సంయుక్తంగా నిర్మిస్తుండగా ఎస్.ఎస్. త‌మ‌న్ సంగీతం అందిస్తున్నారు.

ఈ సందర్భంగా దర్శకుడు మాట్లాడుతూ... ''సర్కారు వారి పాట' మూవీ రెగ్యుల‌ర్ షూటింగ్ ఈ రోజు దుబాయ్‌లో ప్రారంభ‌మైంది. సూప‌ర్‌స్టార్ మ‌హేశ్‌బాబును డైరెక్ట్‌ చేయాల‌న్న ఇన్నేళ్ళ నా క‌ల ఈ రోజు నిజ‌మైంది. మహేష్ బాబు అభిమానుల అంచనాలకు తగినట్లుగా ఈ సినిమా పెద్ద స్థాయిలో ఉంటుంది. ఇర‌వై రోజుల పాటు దుబాయ్‌లో ఫ‌స్ట్ షెడ్యూల్ జ‌ర‌గ‌నుంది. ఇత‌ర న‌టీన‌టులు సాంకేతిక నిపుణుల వివ‌రాల‌ను త్వ‌ర‌లోనే వెల్ల‌డిస్తామన్నారు. ఇక ఈ సినిమాలో మ‌హేశ్‌బాబు సరసన కీర్తీ సురేశ్‌ నటిస్తున్నారు. వెన్నెల కిషోర్, సుబ్బరాజులు కీలక పాత్రలు పోషిస్తున్నారు.


Next Story
Share it