చరణ్ బర్త్డే గిప్ట్.. రామరాజు న్యూ అవతార్ మరికాసేపట్లో
RRR Movie New Update. తెలుగు చిత్రపరిశ్రమలోనే ఇప్పటివరకూ లేనంత హై బడ్జెట్లో భారీ ప్రాజెక్టుగా తెరకెక్కుతున్న చిత్రం ఆర్ఆర్ఆర్
By Medi Samrat
తెలుగు చిత్రపరిశ్రమలోనే ఇప్పటివరకూ లేనంత హై బడ్జెట్లో భారీ ప్రాజెక్టుగా తెరకెక్కుతున్న చిత్రం ఆర్ఆర్ఆర్. స్టార్ డైరెక్టర్ ఎస్ఎస్ రాజమౌళి దర్శకత్వంలో పాన్ ఇండియా మూవీగా వస్తున్న ఈ చిత్రంలో ఎన్టీఆర్, రాంచరణ్ లు ప్రధాన పాత్రలు పోషిస్తున్నారు. కొమరం భీం పాత్రలో ఎన్టీఆర్, అల్లూరి సీతారామరాజుగా రాంచరణ్ కనిపించబోతున్నాడు. ఇప్పటికే విడుదలైన హీరోల ఫస్ట్లుక్ లకు మంచి స్పందన వచ్చింది.
Celebrations to start a little early. 🤗
— RRR Movie (@RRRMovie) March 26, 2021
Get ready to meet @AlwaysRamCharan, in his 🔥 new avatar, at 4 PM today.
Fiercest #AlluriSitaRamaRaju is on his way to leave you spellbound. 🔥👊🏻#RRR #RRRMovie @ssrajamouli @tarak9999 @ajaydevgn @oliviamorris891 @DVVMovies pic.twitter.com/8JG0d7X0Aj
తాజాగా ఈ మూవీ నుంచి మరో అప్డేట్ వచ్చింది. రేపు చరణ్ 36వ వసంతంలోకి అడుగుపెట్టనున్న నేపథ్యంలో ఇవాళ సాయంత్రం 4 గంటలకు రామరాజు కొత్త అవతారాన్ని చూడబోతున్నారంటూ మేకర్స్ సోషల్ మీడియా ద్వారా తెలిపారు. అల్లూరి సీతారామరాజుగా రాంచరణ్ నయా అవతార్లో ఎలా కనిపిస్తాడో చూడాలి. ఈ పోస్టర్ కోసం ఫ్యాన్స్ ఎంతో ఆసక్తిగా ఎదురు చూస్తున్నారు. ఇదిలావుంటే.. ఆర్ఆర్ఆర్ లో అజయ్దేవ్గన్, సముద్రఖని, శ్రియ, అలియభాట్ కీ రోల్స్ చేస్తున్నారు. ఈ ఏడాది అక్టోబర్ 13న థియేటర్లలో సందడి చేయనుంది ఆర్ఆర్ఆర్.
ఇదిలావుంటే.. మెగాపవర్ స్టార్ రామ్ చరణ్ బర్త్ డే సెలబ్రేషన్స్ ఓ రేంజ్లో జరుగుతున్నాయి. ఫ్యాన్స్ రామ్ చరణ్ ఇంటికి చేరుకొని ప్రత్యేక శుభాకాంక్షలు తెలియజేశారు. తనను విష్ చేయడానికి వచ్చిన అభిమానులతో కలిసి రామ్ చరణ్ దిగిన సెల్ఫీ ప్రస్తుతం సోషల్ మీడియాలో వైరల్గా మారింది.