ప్రీ సేల్స్ లో సంచలనాలు సృష్టిస్తున్న పుష్ప-2

పుష్ప 2 సినిమాకు అమెరికాలో భారీ డిమాండ్ ఉంది. ముందస్తు బుకింగ్‌లలో అపూర్వమైన రికార్డును నెలకొల్పింది. ప్రీమియర్‌కి ఇంకా 16 రోజులు మిగిలి ఉండగానే ఈ చిత్రం ప్రీ-సేల్స్‌లో ఇప్పటికే $1 మిలియన్ మార్కును దాటింది. ఈ మైలురాయిని అత్యంత వేగంగా సాధించిన భారతీయ చిత్రంగా పుష్ప నిలిచింది. అత్యధిక ప్రీమియర్ కలెక్షన్స్‌తో కల్కి నెలకొల్పిన రికార్డును పుష్ప సినిమా బద్దలుకొట్టబోతోందని అంచనా వేస్తున్నారు. $4 మిలియన్ల నుండి $5 మిలియన్ల వరకు ప్రీ సేల్స్ తో బాక్సాఫీస్ చరిత్రను తిరిగి వ్రాయగల సత్తా పుష్ప-2 కి ఉందని అంటున్నారు. అద్భుతమైన ప్రీమియర్స్ తో భారీ ఓపెనింగ్స్ ను అంచనా వేస్తున్నారు.

పుష్ప 2 బ్రేక్ ఈవెన్ సాధించాలంటే $15 మిలియన్ కంటే ఎక్కువ ఆదాయం రావాలి. అడ్వాన్స్ బుకింగ్ ట్రెండ్‌లు, అద్భుతమైన బజ్ కారణంగా, ఈ లక్ష్యం సాధించడం పెద్ద కష్టమేమీ కాదు. మంచి టాక్ వస్తే మాత్రం యునైటెడ్ స్టేట్స్‌లో బాహుబలి 2 జీవితకాల కలెక్షన్‌లను అధిగమించి, చారిత్రాత్మక సినిమాగా పుష్ప-2 నిలవనుంది.