పవన్ కళ్యాణ్ చేస్తున్న ఆ సినిమా ఆగిపోలేదు

పవర్‌స్టార్ పవన్ కళ్యాణ్ చేస్తున్న క్రేజీ ప్రాజెక్స్‌లో 'హరిహర వీర మల్లు' సినిమా ఉంది. ఈ పీరియాడికల్ యాక్షన్ డ్రామాని క్రిష్ జాగర్లమూడి డైరెక్షన్ చేస్తున్నారు. నిధి అగర్వాల్ హీరోయిన్‌గా నటిస్తుంది. సెప్టెంబర్ 2న పవర్‌స్టార్ పుట్టినరోజు కావడంతో టీమ్ సరికొత్త పోస్టర్‌ను విడుదల చేసింది.

‘హ‌రి హ‌ర వీర‌మ‌ల్లు’ సినిమాను పవన్ కళ్యాణ్ మొదలుపెట్టి చాలా రోజులే అయింది. ఈ సినిమా తర్వాత పవన్ కళ్యాణ్ మొదలు పెట్టిన భీమ్లా నాయక్, బ్రో సినిమాలు థియేటర్లో రిలీజ్ అయిపోయాయి. ఓజీ, ఉస్తాద్ భగత్ సింగ్‌ సినిమాలు కూడా వచ్చేస్తున్నాయి. హరిహర వీరమల్లు మాత్రం ఏళ్ల త‌ర‌బ‌డి షూటింగ్ జ‌రుపుకుంటూనే ఉంది. పవన్ అనౌన్స్ చేసిన పాన్ ఇండియా ప్రాజెక్ట్ అవడంతో ఈ సినిమా కోసం అభిమానులు ఎంతగానో ఎదురుచూస్తూ ఉన్నారు. సినిమా అనౌన్స్ చేసి మూడు సంవత్సరాలు అయినా కూడా ఆ సినిమా ఇంకా విడుదల అవ్వడం లేదు.

డైరెక్టర్ క్రిష్ భారీ ఎత్తున ఈ సినిమాను తెరకెక్కిస్తూ ఉన్నారు. సాయిమాధవ్ బుర్రా మాటలు రాస్తున్నారు. కీరవాణి సంగీతం అందిస్తూ ఉన్నారు. వీరితో పాటు హాలీవుడ్‌కు చెందిన వీఎఫ్ఎక్స్, యానిమేషన్ ప్రొడ్యూసర్ బెన్ లాక్ ఈ సినిమాకు పని చేస్తున్నారు. యాక్షన్ సన్నివేశాల కోసం హాలీవుడ్‌ యాక్షన్ డైరెక్టర్లు వర్క్ చేస్తున్నారు. నిర్మాత ఎ.ఎం.రత్నం ఈ చిత్రాన్ని సమర్పిస్తున్నారు.