8వ రోజు.. 20 టిక్కెట్లు.. రూ. 4,420 వ‌సూలు.. ఫైర్‌బ్రాండ్ న‌టి సినిమా ప‌రిస్థితి ఇది..!

కంగనా రనౌత్ గురించి ప్ర‌త్యేకంగా చెప్ప‌న‌వ‌స‌రం లేదు. ఫైర్‌బ్రాండ్ ఇమేజ్‌ను సొంతం చేసుకున్న న‌టి. అయితే ఆమె ఇటీవ‌ల‌ నటించిన యాక్షన్ చిత్రం 'ధాకడ్' బాక్సాఫీస్ వద్ద భారీ పరాజయం మూట‌గ‌ట్టుకుంది. ఈ చిత్రం విడుదలై ఎనిమిదో రోజులు కాగా.. ఎనిమిదో రోజు కేవలం రూ. 4,420 మాత్రమే వసూలు చేసింది. దేశవ్యాప్తంగా కేవలం మాత్రమే అమ్ముడయ్యాయి. ఓపెనింగ్ రోజు రూ. 50 లక్షలు వ‌సూలు చేసిన ఈ చిత్రం ఓవ‌రాల్‌గా దాదాపు రూ. 3 కోట్లను రాబట్టగలిగింది. 80 నుంచి 90 కోట్ల బడ్జెట్‌తో ఈ చిత్రాన్ని రూపొందించినట్లు తెలుస్తోంది.

బాక్స్ ఆఫీస్ ఇండియా ట్విట్టర్ హ్యాండిల్ ఈ డిటేయిల్స్‌ను షేర్ చేసింది, "#Dhaakad ఈరోజు భారతదేశం అంతటా 20 టిక్కెట్లను విక్రయించడం ద్వారా 4 వేలు వసూలు చేసింది." మే 20న విడుదలైంది, వీకెండ్ రన్ చాలా పేలవంగా ఉంది, చాలా థియేటర్లలో ఈ చిత్రాన్ని సోమవారం నాటికే నిలిపివేశారని పేర్కొంది.

రజ్నీష్ ఘై దర్శకత్వం వహించిన 'ధాకడ్‌'లో అర్జున్ రాంపాల్, దివ్యా దత్తా, శాశ్వత ఛటర్జీ త‌దిత‌రులు నటించారు. భారీ నష్టం చ‌విచూసిన నేఫ‌థ్యంలో ఓటీటీ ప్లాట్ ఫాంపై స్ట్రీమ్ అవ‌డం కోసం స‌రియైన వేదికకై ఈ చిత్ర యూనిట్‌ కష్టపడుతోన్న‌ట్లు వార్త‌లు వ‌స్తున్నాయి.