ఏకైక నటుడిగా మెగాస్టార్ చిరంజీవి రికార్డు.. ఆనందంలో ఫ్యాన్స్

మెగాస్టార్ చిరంజీవి మరో అరుదైన ఘనత సాధించారు. యూకే పార్లమెంట్‌లో ప్రతిష్టాత్మకమైన లైఫ్ టైమ్ అచీవ్‌మెంట్ అవార్డును చిరంజీవి అందుకున్నారు. మార్చి 19వ తేదీన లండన్‌లోని పార్లమెంట్‌ భవనంలో చిరంజీవి ఈ అవార్డు అందుకున్నారు. నాలుగున్నర దశాబ్దాలుగా కళారంగానికి, సమాజానికి చేసిన సేవలకిగానూ చిరంజీవికి ఈ గౌరవం దక్కింది. యూకే అధికార లేబర్‌ పార్టీ ఎంపీ నవేందు మిశ్రా నేతృత్వంలో ఈ సత్కారం జరిగింది. పార్లమెంట్‌ సభ్యులు సోజన్‌ జోసెఫ్‌, బాబ్‌ బ్లాక్‌మాన్‌ తదితరులు ఇందులో పాల్గొన్నారు.

కాగా చిరంజీవికి ఈ పురస్కారం రావడంపై ఆయన ఫ్యాన్స్‌లో ఆనందంలో ఉన్నారు. చిరంజీవి మరోసారి తెలుగు వాళ్లకి, యావత్ దేశానికి గర్వ కారణంగా నిలిచారంటూ ఫ్యాన్స్ ఆనందం వ్యక్తం చేస్తున్నారు. ఇక యూకే పార్లమెంటులో ఈ పురస్కారం అందుకున్న తొలి ఇండియన్ సెలబ్రెటీగా చిరు నిలిచారు. ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి.