8 సంవత్సరాల తర్వాత తన సీక్రెట్ మ్యారేజ్ ఫోటోను బయటపెట్టిన మహేష్ హీరోయిన్

అమృతా రావ్.. బాలీవుడ్ లో మంచి గుర్తింపు తెచ్చుకున్న ఈమె టాలీవుడ్ లో మహేష్ బాబు సరసన 'అతిథి' సినిమాలో నటించింది. ఆమె కెరీర్ పీక్ లో ఉన్న సమయంలోనే పెళ్లి చేసుకుందట. అయితే ఈ విషయాన్ని చాలా సీక్రెట్ గా ఉంచింది. పెళ్లి అయిన 8 సంవత్సరాల తర్వాత ఆమె తన పెళ్లి ఫోటోను షేర్ చేసిందంటే ఆమె ఎంత సీక్రెట్ గా వివాహాన్ని ఉంచిందో మనం అర్థం చేసుకోవచ్చు.

అమృతా తన ఇన్‌స్టాగ్రామ్ హ్యాండిల్‌లో 8 సంవత్సరాల తర్వాత RJ అన్మోల్‌తో తన రహస్య వివాహానికి సంబంధించిన చిత్రాన్ని పంచుకుంది. ఈ జంట 2014లో పెళ్లి చేసుకున్నా ఆ విషయాన్ని బయట పెట్టలేదు. ఆమె పెళ్లి వార్త అమృత బాలీవుడ్ కెరీర్‌ను దెబ్బతీస్తుందనే భయంతో దానిని రహస్యంగా ఉంచారు.

అమృతా రావు తన భర్త RJ అన్మోల్‌తో కలిసి 'కపుల్ ఆఫ్ థింగ్స్' పేరుతో యూట్యూబ్ ఛానెల్‌ని నడుపుతోంది. ఈ జంట తమ అభిమానులతో తమ పెళ్లి-ప్రేమ గురించి మాట్లాడుకోవడానికి ఈ వేదికను ఉపయోగించారు. అమృతా రావు తన పెళ్లికి సంబంధించి బయట వారు చూడని ఫోటోలను పంచుకున్నారు. వారి సైలెంట్ వివాహ వేడుక వివరాలను వెల్లడించారు. వారి తల్లిదండ్రులు వీడియోలో కనిపించారు. పెళ్లి అంతా సీక్రెట్ గా జరగడంతో వారి సన్నిహితులు మాత్రమే హాజరయ్యారు. వారి పెళ్లి రోజు ఫోటోను ఇంస్టాగ్రామ్ లో షేర్ చేసింది అమృత. సాంప్రదాయ మహారాష్ట్ర వివాహ దుస్తులను ధరించారు. ఈ జంట తమ పెళ్లి తర్వాత ఈ చిత్రాలను వారి అభిమానులతో పంచుకోవడం ఇదే మొదటిసారి. అమృతరావు 2000లో తన తొలి చిత్రం ఇష్క్ విష్క్‌తో మంచి గుర్తింపు తెచ్చుకుంది. ఆ తర్వాత ఆమె చాలా సినిమాల్లో నటించింది. వివాహ్ సినిమా 2006లో విడుదలైనప్పుడు ఆమె కెరీర్ మలుపు తిరిగింది.