ఆదిపురుష్ ఆరంభ్.. పోస్ట్ పెట్టిన ప్ర‌భాస్

పాన్ ఇండియా హీరో ప్ర‌భాస్ క‌థానాయ‌కుడిగా.. దాదాపు 300 కోట్ల బ‌డ్జెట్ వ్య‌యంతో రామాయ‌ణ గాథ ఇతివృత్తంగా ఆదిపురుష్ అనే సినిమా తెర‌కెక్కుతున్న విష‌యం తెలిసిందే. బాలీవుడ్ డైరెక్ట‌ర్ ఓం రౌత్ ఈ సినిమాకు ద‌ర్శ‌కుడు. ప్రీ ప్రొడ‌క్ష‌న్ ప‌నులు పూర్తి చేసుకున్న ఈ సినిమా.. నేటి నుండి ముంబైలో షూటింగ్ జ‌రుపుకుంటుంది. ఈ విష‌యాన్ని ప్ర‌భాస్ త‌న ఇన్‌స్టాగ్రామ్ అకౌంట్ ద్వారా అభిమానుల‌తో షేర్ చేసుకున్నాడు.

ఈ మేర‌కు ఆదిపురుష్ ఆరంభ్ అంటూ.. పోస్ట‌ర్‌ను పోస్ట్ చేశాడు. ఈ ఉద‌యం పోస్ట్ చేసిన గంట‌లోపే ల‌క్ష‌ల్లో లైక్లు, షేర్‌ల‌తో వైర‌ల్ అయ్యింది. ఇదిలావుంటే.. ఈ సినిమాలో ప్ర‌భాస్ రాముడిగా క‌నిపించ‌నున్నాడు. సైఫ్ అలీఖాన్ విల‌న్ పాత్రైన‌టువంటి రావ‌ణుడి పాత్ర‌ను పోషిస్తున్నాడు. ఇక చిత్రంలో మిగిలిన పాత్ర‌ల‌పై అనేక వార్త‌లు వ‌స్తున్నాయి. వాటిలో నిజ‌మెంతో తెలియాల్సి ఉంది. ఇక ఈ చిత్రాన్ని ఆగ‌స్ట్ 11, 2022న విడుద‌ల చేయ‌నున్నారు. ఈ చిత్రాన్ని టీ సిరీస్ భూష‌ణ్ కుమార్, ప్ర‌సాద్ సుతార్‌, రాజేశ్ నాయ‌ర్‌లు సంయుక్తంగా నిర్మిస్తున్నారు.