నా చావుకు రాజమౌళి కారణం.. ఒకప్పుడు మేము ప్రాణ స్నేహితులం

ఉప్పలపాటి శ్రీనివాసరావు అనే వ్య‌క్తి ప్రముఖ దర్శకుడు ఎస్ఎస్ రాజమౌళి సన్నిహితుడు అని పేర్కొంటూ.. తన ఆత్మహత్యకు రాజమౌళి కారణమని ఆరోపించారు. తాను 1990 నుండి రాజమౌళికి మిత్రుడని, ఒక మహిళ కారణంగా తమ మధ్య వివాదం తలెత్తిందని విడుదల చేసిన ఓ వీడియోలో తెలిపారు. ఆ మహిళ కోసం రాజమౌళి తన జీవితాన్ని నాశనం చేశాడని వీడియో పెట్టారు.

ఆత్మహత్య చేసుకోవడం తప్ప మరో మార్గం లేదని శ్రీనివాసరావు ఓ లేఖ కూడా రాశారు. 55 ఏళ్ల వయసులోనూ తాను ఒంటరిగానే ఉండిపోడానికి రాజమౌళి కారణమని ఆరోపించారు. యమదొంగ వరకూ కలిసి పనిచేసిన‌ప్పటికీ ఓ మహిళ కోసం రాజమౌళి తన కెరీర్‌ను నాశనం చేయాలని నిర్ణయించుకున్నారని సంచలన వీడియోలో తెలిపారు. శాంతి నివాసం రోజుల నుండి రాజమౌళితో కలిసి పనిచేశానని ఇప్పుడు రాజమౌళి పెద్ద డైరెక్టర్ అయ్యి శాసించే స్థాయికి చేరుకున్నాడని శ్రీనివాస రావు అన్నారు. తాను ఈ విషయం ఎవరికైనా చెబుతానేమో అనే అనుమానంతో రాజమౌళి ఇబ్బందులకు గురి చేస్తున్నారని, అందుకే ఈ నిర్ణయం తీసుకున్నానని పేర్కొన్నారు.