గ్యాంగ్‌ వార్‌.. యువకుడి దారుణ హత్య.. మృతదేహాన్ని పోలీస్‌స్టేషన్‌ ముందు పడేసి

Youth murdered, body dumped in front of Kottayam police station. కేరళలోని కొట్టాయం జిల్లాలో సోమవారం ఓ యువకుడిని హత్య చేసి, మృతదేహాన్ని పోలీస్ స్టేషన్ ముందు పడేశారు దుండగులు.

By అంజి  Published on  18 Jan 2022 3:54 AM GMT
గ్యాంగ్‌ వార్‌.. యువకుడి దారుణ హత్య.. మృతదేహాన్ని పోలీస్‌స్టేషన్‌ ముందు పడేసి

కేరళలోని కొట్టాయం జిల్లాలో సోమవారం ఓ యువకుడిని హత్య చేసి, మృతదేహాన్ని పోలీస్ స్టేషన్ ముందు పడేశారు దుండగులు. 19 ఏళ్ల బాధితుడిని షాన్ బాబుగా గుర్తించారు. తెల్లవారుజామున జోమోన్ కె జోస్ అనే వ్యక్తి మృతదేహాన్ని పోలీస్ స్టేషన్‌కు తీసుకెళ్లి తానే హత్య చేసినట్లు బహిరంగంగా ప్రకటించడంతో హత్య వెలుగులోకి వచ్చింది. దీని తరువాత, పోలీసు బృందం నిందితుడిని అదుపులోకి తీసుకుంది. జోమోన్ స్టేషన్ నుండి తప్పించుకోవడానికి ప్రయత్నించాడు. కానీ పోలీసులు అతడిని అదుపులోకి తీసుకున్నారు. బాధితుడిని సమీపంలోని ఆసుపత్రికి తరలించగా మరణించినట్లు పోలీసులు ప్రకటించారు.

కొట్టాయం పట్టణంలోని వివిధ మాదకద్రవ్యాల రాకెట్ల మధ్య జరుగుతున్న పోటీ కారణంగా ఈ హత్య జరిగినట్లు ప్రాథమిక దర్యాప్తులో తేలింది. పోలీసులు తెలిపిన వివరాల ప్రకారం.. నిందితుడి నేతృత్వంలోని ముఠా ఆదివారం అర్ధరాత్రి బాధితుడిని అతని నివాసం నుండి తీసుకువెళ్లింది. గంట తర్వాత కూడా అతను ఇంటికి తిరిగి రాకపోవడంతో, బాధితురాలి తల్లి కొట్టాయం ఈస్ట్ పోలీసులకు ఫిర్యాదు చేసింది. పోలీసుల గాలింపు కొనసాగుతున్నప్పటికీ, నిందితుడు మృతదేహాన్ని పోలీస్ స్టేషన్‌కు తీసుకువచ్చాడు. "అతను మృతదేహాన్ని తన భుజాలపై మోస్తూ స్టేషన్ ముందు దించేశాడు. ప్రాథమిక పరీక్షలో యువకుడిని లోహపు కడ్డీలు, చెక్క దుంగలతో కొట్టి చంపినట్లు తేలింది" అని ఒక అధికారి తెలిపారు.

జిల్లాలో డ్రగ్స్ విక్రయిస్తున్నట్లు ఆరోపణలు ఎదుర్కొంటున్న రెండు ప్రత్యర్థి వర్గాల మధ్య జరిగిన గ్యాంగ్ హింసే హత్యకు కారణమని ప్రాథమిక విచారణలో తేలింది. తదుపరి విచారణ జరుగుతోంది. నిందితుడుపై గత ఏడాది నవంబర్‌లో కేరళ సంఘ వ్యతిరేక కార్యకలాపాల నిరోధక చట్టంలోని నిబంధనల ప్రకారం కేసు నమోదు చేసిన తర్వాత జిల్లాలోకి ప్రవేశించకుండా నిషేధించబడ్డాడు. పోస్టుమార్టం అనంతరం మృతదేహాన్ని బంధువులకు అప్పగించనున్నారు. నిందితులను త్వరలో మేజిస్ట్రేట్ ముందు హాజరు పరుస్తామని పోలీసులు తెలిపారు.

Next Story
Share it