బద్దలు కొట్టడం ఎందుకు అనుకున్నారేమో.. ఏటీఎం మెషీన్ మొత్తానికే ఎత్తుకుపోయారు

గ్యాస్ కట్టర్లు తీసుకుని రావడం, బద్దలు కొట్టడం.. సీసీటీవీల్లో క్లూలు వదిలేయడం ఎందుకని అనుకున్నారో ఏమో? ఒకే సారి మొత్తం ఏటీఎం మెషీన్ మొత్తాన్ని ఎత్తుకుని వెళ్లిపోయారు.

మహారాష్ట్రలోని నాగ్‌పూర్‌లో దొంగలు ఏటీఎం యంత్రాన్ని ఎత్తుకుని పారిపోయిన షాకింగ్ ఘటన వెలుగులోకి వచ్చింది. ఖపర్ఖేడా ప్రాంతంలో ఈ సంఘటన జరిగింది, అది సీసీటీవీ కెమెరాల్లో కూడా రికార్డయింది. ఏటీఎంలో లక్షల్లో డబ్బులు ఉన్నట్లు నివేదికలు చెబుతున్నాయి.

ఈ సంఘటన తర్వాత ఖపర్ఖేడ పోలీసులు కేసు నమోదు చేసి నిందితులను పట్టుకునేందుకు దర్యాప్తు ప్రారంభించారు. అన్ని ఆధారాలను చెరిపేసే ప్రయత్నంలో దొంగలు ATM బూత్ లోపల ఉన్న CCTV కెమెరాలను తగలబెట్టారు. ఎటువంటి ఆనవాళ్లు మిగిలిపోకుండా గోడలపై నల్ల పెయింట్ కూడా చల్లారు. అయితే ఒక కెమెరా మాత్రం పనిచేస్తూనే ఉంది. ఇది నేరాన్ని రికార్డు చేసింది. నేరస్థులు ATMను దాని బేస్ నుండి తీసేసి, టాటా మాక్స్ వాహనంలోకి ఎక్కించారు, ఇతరులు గమనించేలోపు అక్కడి నుండి పారిపోయారు.