బాణాసంచా ఫ్యాక్టరీలో భారీ పేలుడు.. ఆరుగురు మృతి

తమిళనాడులోని విరుదునగర్ జిల్లా సత్తూరు ప్రాంతంలోని బాణసంచా తయారీ కర్మాగారంలో పేలుడు సంభవించింది. ఈ విషయాన్ని అగ్నిమాపక శాఖ అధికారులు తెలిపారు. ఈ ఘ‌ట‌న‌పై తదుపరి విచారణ కొనసాగుతోంది. అందిన సమాచారం ప్రకారం.. పోలీసులు ఫ్యాక్టరీ నుండి ఇప్పటివరకు ఆరు మృతదేహాలను స్వాధీనం చేసుకున్నారు. రెస్క్యూ ఆపరేషన్ కొనసాగుతోంది.

గతంలో తమిళనాడులోని విరుదునగర్ జిల్లాలో బాణాసంచా ఫ్యాక్టరీలో రెండు అగ్నిప్రమాద ఘటనల్లో 14 మంది చనిపోయారు. మొదటి సంఘటన రంగపాళయం ప్రాంతంలో జరిగింది. బాణాసంచా నమూనా పరీక్షల సందర్భంగా ఈ ప్రమాదం జరిగినట్లు పోలీసులు తెలిపారు. ఈ ఘటనలో 12 మంది మహిళలు సహా 13 మంది చనిపోయారు. తమిళనాడు ముఖ్యమంత్రి ఎంకే స్టాలిన్ మృతుల కుటుంబాలకు రూ.3 లక్షలు, తీవ్రంగా గాయపడిన వారికి రూ.లక్ష చొప్పున ఎక్స్‌గ్రేషియా ప్రకటించారు. పోలీసులు, అగ్నిమాపక సిబ్బంది, స్థానికులు కలిసి మంటలను ఆర్పి బాధితులను రక్షించారు. ఫ్యాక్టరీలకు సరైన లైసెన్సులు ఉన్నాయో లేదో కూడా పోలీసులు తనిఖీ చేశారు. రంగపాళ్యంలోని బాణాసంచా కర్మాగారం ఘటనా స్థలంలో కాలిపోయిన ఏడు మృతదేహాలను గుర్తించామని, వాటిని ఇంకా గుర్తించలేదని ఆ స‌మ‌యంలో పోలీసులు తెలిపారు.