దారుణం.. 87 ఏళ్ల వృద్ధురాలిపై అత్యాచారం

Sexual assault on 87-year-old woman in Delhi. దేశ రాజధాని ఢిల్లీలో మరో దారుణ ఘటన వెలుగు చూసింది. తిలక్ నిగర్‌లో 87 ఏళ్ల వృద్ధురాలిపై అత్యాచారం జరిగింది.

By అంజి  Published on  14 Feb 2022 9:07 AM GMT
దారుణం.. 87 ఏళ్ల వృద్ధురాలిపై అత్యాచారం

దేశ రాజధాని ఢిల్లీలో మరో దారుణ ఘటన వెలుగు చూసింది. తిలక్ నిగర్‌లో 87 ఏళ్ల వృద్ధురాలిపై అత్యాచారం జరిగింది. మహిళ తన 65 ఏళ్ల కుమార్తెతో నివసిస్తోంది. నిన్న మధ్యాహ్నం కూతురు వాకింగ్‌కు వెళ్లిన సమయంలో గుర్తు తెలియని వ్యక్తి ఇంట్లోకి ప్రవేశించాడని బాధితురాలు చెప్పింది. అతను 12.30 గంటలకు ఇంట్లోకి ప్రవేశించి, మహిళపై అత్యాచారం చేసి మధ్యాహ్నం 1.30 గంటలలోపు వెళ్లిపోయాడని, బాధితురాలు ప్రాణాలతో బయటపడిందని కుటుంబీకులు చెప్పారు.

కూతురు ఇంటికి వచ్చేసరికి బాధితురాలి బట్టలు చినిగిపోయి రక్తస్రావమైందని కుటుంబ సభ్యులు వాపోతున్నారు. పోలీసులు కేసు నమోదు చేసి దర్యాప్తు చేపట్టారు. భారతీయ శిక్షాస్మృతి (ఐపీసీ)లోని సెక్షన్ 380 (నివాస గృహంలో దొంగతనం) కింద ఎఫ్‌ఐఆర్ నమోదు చేసినట్లు ఢిల్లీ పోలీసు అదనపు డీసీపీ (పశ్చిమ జిల్లా) ప్రశాంత్ గౌతమ్ తెలిపారు. "ఇప్పుడు మళ్లీ, ఫిర్యాదుదారు తన ఫిర్యాదులో ఆరోపించినట్లు, మేము ఎఫ్ఐఆర్‌లో సంబంధిత సెక్షన్‌లను జోడిస్తున్నాము" అని ఆయన చెప్పారు.

అలాగే మొబైల్ ఫోన్ చోరీపై కుమార్తె ఫిర్యాదు చేయగా, దొంగతనం కేసు పెట్టినట్లు ఢిల్లీ పోలీసులు తెలిపారు. "13.02.22న, తిలక్ నగర్‌లోని ఒక ఇంటి నుండి మొబైల్ ఫోన్ దొంగిలించబడినట్లు ఒక సీనియర్ సిటిజన్ కుమార్తె నుండి వ్రాతపూర్వక ఫిర్యాదు అందింది, ఆ తర్వాత సంబంధిత సెక్షన్ల కింద ఎఫ్‌ఐఆర్ వెంటనే నమోదు చేయబడింది" అని ఢిల్లీ పోలీసులు తన అధికారిక ట్విట్టర్ హ్యాండిల్‌లో తెలిపారు. తన తల్లి లైంగిక వేధింపులకు గురైందని కూతురు ఈరోజు ఆరోపించిందని పోలీసులు తెలిపారు. ఎఫ్‌ఐఆర్‌లో సంబంధిత సెక్షన్లు జోడించబడ్డాయి. దర్యాప్తు కొనసాగుతోంది. ప్రాణాలతో బయటపడిన బాధితురాలికి కౌన్సెలింగ్‌తోపాటు అవసరమైన అన్ని సహాయ సహకారాలు అందిస్తున్నామని పోలీసులు తెలిపారు.

Next Story
Share it