పాఠశాల ఆవరణలో ప్రిన్సిపాల్‌ను దారుణంగా చంపిన‌ విద్యార్థులు

హర్యానాలోని హిసార్ జిల్లా నార్నాండ్‌లోని బస్ బాద్‌షాపూర్‌లోని కర్తార్ మెమోరియల్ సీనియర్ సెకండరీ స్కూల్ డైరెక్టర్ మరియు ప్రిన్సిపాల్ జగ్బీర్ సింగ్ పాను పాఠశాల ఆవరణలో ఇద్దరు 12వ తరగతి విద్యార్థులు హత్య చేశారు. పాఠశాలలోకి ప్రవేశించిన విద్యార్థులు జగ్బీర్‌పై కత్తితో పలుమార్లు దాడి చేశారు. పాఠశాల సిబ్బంది విద్యార్థులను పట్టుకునేందుకు ప్రయత్నించగా వారిద్దరూ తప్పించుకున్నారు. పాఠశాల సిబ్బంది జగ్బీర్‌ను ఆసుపత్రికి తీసుకెళ్లారు, కాని అతన్ని హిసార్‌కు రెఫర్ చేశారు.. తీసుకెళుతుండ‌గా ఆయ‌న‌ మార్గమధ్యంలో మరణించాడు.

సమాచారం అందుకున్న పోలీసులు సంఘటనా స్థలానికి చేరుకుని దర్యాప్తు ప్రారంభించారు. పోలీసులు తెలిపిన వివరాల ప్రకారం.. ఉదయం పాఠశాల ప్రారంభమైంది. స్కూల్ ఆవరణలో స్కూల్ డైరెక్టర్, ప్రిన్సిపాల్ జగ్బీర్ నిలబడి ఉండగా.. ఆ సమయంలో ఇద్దరు విద్యార్ధులు స్కూల్‌లోకి వచ్చి దాడి చేశారు.

పాఠశాల సిబ్బంది తెలిపిన వివరాల ప్రకారం.. విద్యార్థికి ఇటీవల పాఠశాల డైరెక్టర్‌తో గొడవ జరిగింది. చాలా చర్చ కూడా జరిగింది. ఈ భవనం నార్నాండ్ మాజీ ఎమ్మెల్యే సరోజ్ మోర్ కుటుంబానికి చెందినదని పాఠశాల సిబ్బంది తెలిపారు. రెండేళ్ల క్రితం జగ్బీర్ ఈ భవనాన్ని లీజుకు తీసుకున్నాడు. దీనికి ముందు జగ్బీర్ పుట్టిలో పాఠశాల నడిపేవారు. పోలీసులు తెలిపిన వివరాల ప్రకారం, గాయపడిన జగ్బీర్‌ను నగరంలోని ఒక ప్రైవేట్ ఆసుపత్రికి తీసుకువెళ్లగా, అతను చనిపోయినట్లు నిర్ధారించారు. హత్య చేసిన‌ విద్యార్థుల కోసం పోలీసులు ఇంకా గాలిస్తున్నారు.