యూపీలో ఘోర రోడ్డు ప్ర‌మాదం : 8 మంది మృతి
Road Accident In Utter Pradesh. కేంద్ర, రాష్ట్ర ప్ర‌భుత్వాలు రోడ్డు ప్ర‌మాదాల నివార‌ణ‌కై ఎన్ని చ‌ర్య‌లు తీసుకున్న
By Medi Samrat Published on 2 Dec 2020 12:04 PM IST
కేంద్ర, రాష్ట్ర ప్ర‌భుత్వాలు రోడ్డు ప్ర‌మాదాల నివార‌ణ‌కై ఎన్ని చ‌ర్య‌లు తీసుకున్న ప్ర‌మాదాల సంఖ్య మాత్రం త‌గ్గ‌డం లేదు. రోజురోజుకు రోడ్లు ర‌క్త‌పుమ‌డుగుల‌ను త‌ల‌పిస్తున్నాయి. తాజాగా ఉత్త‌ర‌ప్ర‌దేశ్‌లోని కౌశంబి జిల్లాలో బుధ‌వారం ఉద‌యం ఘోర రోడ్డుప్ర‌మాదం సంభ‌వించింది. ఇసుక లారీ - స్కార్పియో వాహ‌నం ఢీకొనడంతో.. ఈ ప్ర‌మాదంలో అక్క‌డిక‌క్క‌డే 8 మంది ప్రాణాలు కోల్పోయారు. మ‌రో ఇద్ద‌రు తీవ్రంగా గాయ‌ప‌డ్డారు.
ప్ర‌మాదం జ‌రిగిన స‌మ‌యంలో స్కార్పియో వాహ‌నంలో 10 మంది ప్ర‌యాణిస్తున్న‌ట్లు పోలీసులు తెలిపారు. వీరంతా వివాహ వేడుక‌కు హాజ‌రై తిరిగి వ‌స్తుండ‌గా ఈ ఘోరం జ‌రిగిందని వెల్ల‌డించారు. ఈ ఘ‌ట‌న‌పై యూపీ సీఎం యోగి ఆదిత్య‌నాథ్ తీవ్ర దిగ్ర్భాంతి వ్య‌క్తం చేశారు. మృతుల కుటుంబాల‌కు ప్ర‌గాఢ సానుభూతి తెలిపారు. గాయ‌ప‌డ్డ వారికి మెరుగైన చికిత్స అందించాల‌ని ఆదేశించారు. మృతుల కుటుంబాల‌ను ప్ర‌భుత్వం త‌రుపున ఆదుకుంటామ‌ని తెలిపారు.
